Netflix ka shtuar pothuajse gjashtë milionë abonues me pagesë gjatë tre muajve të fundit , duke e çuar numrin e përgjithshëm të abonuesve globalë në mbi 238 milionë. Goditja e Netflix-it ndaj ndarjes së fjalëkalimeve duket se po sjell fryte në më shumë se 100 vende, duke sjellë rritje të të ardhurave dhe numër të abonimeve të reja që tejkalon anulimet në këto zona. Kryefinancieri i Netflix-it, Spencer Neumann, e ka quajtur fillimin e ndarjes së pagesave si “katalizatori kryesor i të ardhurave” për këtë vit gjatë thirrjes së dytë vjetore të kompanisë.
Edhe pse ndërmarja ka arritur të rrisë të ardhurat, rezultatet e saj për çerekun e dytë kanë qenë pak më poshtë se pritjet e analistëve të Wall Street-it. Netflix raportoi të ardhura prej afro 8.19 miliardë dollarësh, pak më pak se shuma e pritur prej 8.3 miliardë dollarësh. Në shtjellimin e tij për investitorët lidhur me rezultatet, kompania vuri në dukje se abonimet për planin e tyre me reklama më të lira janë dyfishuar që nga tre muajt e parë të këtij viti, por “të ardhurat e tanishme nga reklamat nuk kanë ndikim të rëndësishëm për Netflix-in.”
Lexo: Threads humbi gjysmën e përdoruesve të përditshëm aktivë
Aksionet e Netflix-it ranë më shumë se 4% në tregun e pasdites të mërkurën pas publikimit të rezultateve. Për sa i përket të ardhmes, Netflix parashikon një rritje vjetore prej 7% të të ardhurave për çerekun aktual, me pritjen e të ardhurave prej 8.5 miliardë dollarësh, por parashikon që shtimi neto i abonimeve të paguara për çerekun e shtatorit të jetë i ngjashëm me atë të çerekut të qershorit. Megjithatë, kompania përballon sfida të reja, duke përfshirë grevat nga sindikatat e aktorëve dhe shkrimtarëve të Hollywood-it, që mund të ndikojnë në linjën e saj të të ardhurave nga përmbajtja origjinale në të ardhmen.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
