Këtë të dielë, Lewis Hamilton mund të barazojë rekordin e fitoreve të Michael Schumacher (91), duke u bërë së bashku me gjermanin piloti me më shumë triumfe në historinë e Formula 1.
Kështu, gara e radhës, Çmimi i Madh i Rusisë, ka ngjallur interes dhe Netflix kërkon të jetë dëshmitar i kësaj arritjeje historike të britanikut.
Lexoni: 16 vjeçari shqiptar firmos me skuadrën kampione të rugby në Britani
Netflix do të vendosë kamerat e tij në njëvendëshen Mercedes W11 për të qenë dëshmitari i parë i barazimit të mundshëm të rekordit. Pamjet do të shpërndahen për publikun gjatë sezonit të tretë të dokumentarit “Drive to Survive”, që transmetohet në këtë platformë.
Herën e fundit që Netflix ka bërë diçka të tillë me Hamilton, gjërat nuk kanë shkuar mirë. Në vitin 2019, u vendos të xhirohej gara e Gjermanisë, që shënonte 125-vjetorin e Mercedesit në botën e motorëve. Në atë garë, Hamilton dhe Bottas u përplasën me barrierat mbrojtëse.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English