NASA ka njoftuar se janë 13 zona, në të cilat njeriu mund të ecë përsëri në Hënë në misionin Artemis 3, i planifikuar për në fund të vitit 2025 dhe që do të shënojë kthimin e astronautëve në tokën hënore 50 vjet pas misionit të fundit të programit Apollo 17 i vitit 1972. Këtë e bëri të ditur NASA në një konferencë për shtyp.
“Ne kemi bërë një hap gjigant drejt kthimit të astronautëve në Hënë që nga misionet Apollo”, tha Mark Kirasich, nënkryetari i divizionit të NASA-s për programin Artemis. Do të jetë “ndryshe nga çdo mision tjetër i kaluar shtoi ai – sepse astronautët do të hyjnë në zona të paeksploruara për të hedhur themelet e strukturave për qëndrimet e ardhshme afatgjatë”.
Brenda çdo rajoni, janë identifikuar vende të shumta kandidate për të akomoduar astronautët. Këto janë zona interesante nga pikëpamja shkencore dhe të cilat janë vlerësuar sipas karakteristikave të tokës, lehtësisë së komunikimit dhe kushteve të ndriçimit.
“Shumë nga vendet e propozuara korrespondojnë me disa nga pjesët më të vjetra të Hënës dhe, së bashku me rajonet me hije të përhershme, ofrojnë mundësinë për të mësuar rreth historisë së Hënës përmes materialeve hënore të pa studiuara më parë,” tha Sarah Noble, nga Divizioni i Shkencave Planetare të NASA-s. www.italianpost.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
