Në botën Forex-it - Business Magazine Albania

Në botën Forex-it

Forex

Shkruar nga Odisea Gora, kontributor në BusinessMag

Forex (Foreign exchange market) i njohur ndryshe si tregu i këmbimit valutor.

Me siguri, kur dëgjojmë WALL STREET na shkon menjëherë mendja tek ekonomia, bursa, aksione, letra me vlerë dhe mbi të gjitha paratë. Afro 400 vite më parë, Wall Street ishte një monopat gjithë llucë, një rrugë në adresën e qytetit të New York, i pozicionuar në drejtim të kishës së Trinitetit.

Sot është një vend tregu ku agjentë, ekonomistë, investitorë apo klientë të financës takohen për të shitur dhe blerë aksione. WALL STREET sot njihet si qendra e botës ekonomike.

Forex në thelb i referohet këmbimit të monedhave, ku ne shesim ose blejmë dhe në bazë të kursit valuator marrim humbje ose fitime. Influencimi më i madh i tregut bëhet nga bankat, institucionet, bizneset, qeveria dhe në fund individët. Për këtë arsye edhe tregu qëndron hapur 24 orë për pesë ditë të javës, ndërsa në fundjavë mbyllet. Njihet ndryshe OTC (Over the Counter). Volumi i tregut kur starton arrin shifrën marramendëse 5.5 trilionë $

Përse 5.5 Trilionë $?

Sipas statistikave të marra nga FMN (Fondi Monetar Ndërkombëtar) dollari amerikan përfshin +60%  të këmbimit valuator. I njohur ndryshe si mbreti i Forex-it.

Çfarë është Kursi i këmbimit?

Kursi i këmbimit është një koncept ekonomik që paraqet çmimin e një monedhe të caktuar kundrejt një monedhe tjetër. Faktorët që ndikojnë në kursin e këmbimit janë: Inflacioni, Deflacioni, Raportet e bilanceve tregtare, Statistikat e punësimit, Eventet ekonomike, Politika, Norma e GDP-së, etj.

Çfarë është GDP?

GDP është një masë monetare e vlerës së tregut të të gjitha mallrave dhe shërbimeve përfundimtare të prodhuara në një periudhë të caktuar kohore.

Përse po përkrahet kaq shumë Forex nga të rinjtë dhe jo vetëm?

  1. Është i thjeshtë për t’u tregtuar
  2. I aksesueshëm nga të gjithë
  3. Fitimet janë në kohë reale
  4. Nuk ka limite dhe përballon çdo vlerë që mund të fitohet
  5. Fillon me vlerën minimale 10 $
  6. Nuk Falimenton

Komponentët e tregtimit

  1. Çiftet e monedhave
  2. Brokeri
  3. Analiza Fondamentale
  4. Analiza Teknike
  5. Psikologjia e Tregtimit
  6. Menaxhimi i riskut

Burime informacioni për të gjithë që duan të njohin botën e forex–it

  1. Babypips
  2. Ninja Fx
  3. Forexhero
  4. VisionFx

Mesazh nga eksperienca personale.

Kur të futeni në botën e bursës, mos mendoni në terma të shkurtër, se si do të fitoni para sa më shpejt. Nëse jeni futur me këtë qëllim, shumë shpejt do të pendoheni dhe pastaj do t’i premtoni vetes se nuk do të ktheheni më këtu.

Mendoni në terma afatgjatë se si do të mësoni dhe të bëheni një ekspert i atij qëllimi që vërtet kërkoni të kapni (Liria Financiare).

Nëse shkon në një fast food, t’i duhet të paguash për ushqimin. Nëse kërkon të bësh muskuj duhet të stërvitesh. Nëse të pëlqen ajo vajza në shkollë, mos prit të ndodhë magjia. Ju shkoni në shkollë për vite me radhë për të marrë atë diplomë në fund. Si mundesh të vish këtu dhe të bëhesh i pasur brenda natës?

Më lejoni t’ju them se: “Asgjë nuk të vjen falas dhe kujto se nëse vërtet e do diçka më parë duhet të paguash për të.”

Më pas paratë dhe suksesi do t’ju ndjekin kudo që jeni.

Lexoni edhe: Strategjia mbi menaxhimin e buxhetit personal dhe krijimi i kapitalit tuaj

Një vështrim mbi Inxhinierinë Sociale

Të shesim me plan dhe jo me fat

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0