Nuk është e para e këtij lloji, por me siguri ishte diçka e rralli. Kozmonautët Anatoly Ivanishin dhe Ivan Vagner, në bordin e International Space Station në hapësirë u përballën me kampionin ndërkombëtar të shahut Sergey Karyakin, i cili ndodhej në Muzeun e Hapësirës në Moskë.
Dy astronautët ishin të pajisur me një tabletë në formën e tryezës së shahut për të zhvilluar këtë sfidë shumë interesante që u transmetua edhe në kanalin Youtube të Agjencisë Hapësinore Ruse Roskosmos. Sfida mes kozmonautëve dhe kampionit të shahut zgjati 25 minuta dhe nuk pati asnjë fitues pasi u mbyll në barazim.
Ndeshja u zhvillua me rastin e 50 vjetorit të ndeshjes së parë të shahut Hapësirë – Tokë, e luajtur në 9 qershor 1970. Ajo e vitit 1970 u zhvillua midis ekuipazhit të anijes sovjetike Soyuz-9 e përbërë nga kozmonautët Andriyan Grigoryevich Nikolaev dhe Vitaly Ivanovich Sevastyanov. Përfaqësuesit e Tokës përfshinin kryetarin e qendrës së stërvitjes së kozmonautëve Sovjetik, Kolonelin e Përgjithshëm të Aviacionit, Nikolai Petrovich Kamanin dhe kozmonautin Viktor Gorbatko.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
