NASA hap stacionin e hapësirës për misionet private të astronautëve


Të rriturit, të cilët ëndërronin të bëheshin astronautë kur ishin fëmijë, shumë shpejt do ta kenë  këtë mundësi. NASA po propozon nisjen që nga viti 2020 të misioneve private të astronautëve në Stacionin Ndërkombëtar të Hapësirës .

Si pjesë e direktivës së saj për të hapur stacionin për përdorim komercial, agjencia amerikane e hapësirës do të mbështesë deri në dy misione private në stacionin e hapësirës çdo vit. Misionet mendohet të zgjasin deri në 30 ditë secila. Astronautët privatë do të marrin një automjet të hapësirës komerciale të aprovuar nga NASA në stacionin hapësinor. Ata do të kryejnë punë komerciale dhe marketingu. Por, përdorimi i këtyre austronautëve për misione private ka një kusht, puna duhet të lidhet me misionin e NASA-s.

Lexo: NASA shpall tre dizajnet më të mira për shtëpitë në Mars

Ju gjithashtu keni nevojë të jeni në formë, duke përmbushur standardet e vështira mjekësore të NASA-s dhe kërkesat e trajnimit dhe çertifikimit të stacionit hapësinor

Do të kushtojë më shumë se  35,000 dollarë një natë në Stacionin Ndërkombëtar të Hapësirës. Në çmim përfshihet fluturimi, qëndimi në dhomë dhe në bord.

Fillimi i misioneve private të astronauteve është pjesë e një përpjekjeje të madhe për të zgjeruar veprimtarinë tregtare në stacionin e hapësirës përtej kërkimit dhe zhvillimit. Direktiva më e re e NASA-s synon të lejojë prodhimin komercial dhe të lejojë që NASA dhe astronautët privatë, të kryejnë aktivitete të reja komerciale në laboratorin orbital. Në një nga deklaratat e saj, NASA parashtroi disa kërkesa që duhet të përmbushen, duke përfshirë një vlerësim fizibiliteti, përpara se të lejoheshin  misione të tilla.

CNN

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale