NASA shpall tre dizajnet më të mira për shtëpitë në Mars

NASA ka ndërmarrë hapin të krijojë realitetin ndërplanetar, duke shpallur tre finalistët kryesorë për sfidën e saj të vazhdueshme: 3D-Printed Habitat Challenge. Sfida filloi në 2015-ën dhe ka përfshirë ekipe që konkurrojnë për të dizajnuar strehëza të përshtatshme për Hënë, Mars dhe më tej. Një grup inxhinierësh dhe artistësh, treguan një dizajn modular të përbërë nga katër hapësira të dallueshme, përfshirë edhe bimët në rritje. Tre ekipet ndanë një çmim prej 100,000 dollarë mes tyre. Në raundin e ardhshëm, që do të mbahet në muajin maj, finalistët do të modelojnë 3D-print në shkallën e dizenjove të tyre, ndërsa konkurrojnë për çmimin 800,000 dollarë.

Lexo:  NASA ofron vende të reja pune. Ja çfarë duhet të bëjnë të interesuarit

Konkursi është zhvillimi më i fundit në misionin e NASA-s për t’i dërguar njerëzit në Hënë dhe, përfundimisht, në Mars. Nëntorin e kaluar, agjensia njoftoi se nëntë kompani amerikane kishin të drejtë të konkurronin me 2.6 miliardë dollarë kontrata gjatë 10 viteve të ardhshme për të ofruar shërbime në hënë. Presidenti Donald Trump nënshkroi Direktivën e Hapësirës 1 për rivendosjen e programit hapësinor të Amerikës në eksplorim dhe zbulim.

Direktiva e Politikave Hapësinore 1 shënon hapin e parë në kthimin e astronautëve amerikanë në Hënë për eksplorimin dhe përdorimin afatgjatë. Këtë herë, jo vetëm që do të vendoset atje flamuri amerikan, por do të jenë edhe gjurmët e këmbëve të austronautëve. Do të krijohen bazat  për një mision eventual në Mars.

CNN