Mungesë marramendëse e artisteve femra në muzetë e Amerikës - Business Magazine Albania

Mungesë marramendëse e artisteve femra në muzetë e Amerikës

Mungesë marramendëse e artisteve femra në muzetë e Amerikës

Femrat janë muzat e artit, por në muzetë e Amerikës, shumë pak zënë vend si krijuese. Në këtë përfundim doli një analizë e kohëve të fundit, e bërë në muzetë më të mëdhenj të artit në SHBA nga studiues në Kolegjin Williams. Studimi zbulon se vetëm 13% e artistëve të paraqitur në koleksionet e muzeve janë autore gra.
Kelema Moses, një eksperte e historisë së artit dhe profesore në Universitetin e Kalifornisë, San Diego, tregon për një model shekullor të grave që lihen jashtë botës së artit.


“Le të kujtojmë për një moment rilindjen,” -thotë ajo. “Gratë u mbajtën jashtë shkollave dhe institucioneve artistike dhe për këtë arsye nuk mund të bëheshin artiste me shkronjën A”.
Tani, gratë përbëjnë shumicën e studentëve të artit dhe artistëve që punojnë, por është shumë shpejt për to që të kapin historinë. “Ndryshimi po vjen edhe pse gradualisht, shprehet Moses,“Është një lloj klishe të thuash se përfaqësimi ka rëndësi, por me të vërtetë ka.
Lexoni më tepër: 3 artistët më të paguar për vitin 2022

Të shohësh veten, ose të paktën një pjesë të identitetit tënd të përfaqësuar në hapësirat muzeale është e rëndësishme, sepse mund të veprojë si një vektor për ndryshime shoqërore”, thotë ajo.
Analiza e Kolegjit Williams zbuloi se ndarja e përgjithshme midis artistëve meshkuj dhe femra në muzetë e Amerikës është përkatësisht 87% dhe 13%, kryesisht për shkak të dominimit të artistëve meshkuj nga shekulli i 19-të dhe më herët.
Kur merren parasysh vetëm artistët e lindur në vitin 1946 ose më vonë, ndarja mashkull-femër është më afër 74-26.

axios

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0