Moti i acartë ka prekur të gjithë vendin. Temperaturat e ulëta kanë sjellë ngrica dhe rreshje dëbore kryesisht në verilindje. Kjo ka rritur vështirësitë në qarkullimin rrugor, ndaj Drejtoria e Përgjithshme e Shërbimeve të Transportit Rrugor sjell në vëmendje kujdesin e nevojshëm të drejtuesve të automjeteve.
Për të shmangur aksidentet, ajo ka publikuar në faqen e saj zyrtare 7 udhëzimet e mëposhtme
Lexo: Kina po modifikon kushtet e motit, a duhet të shqetësohemi?
- Verifiko sistemet e: ngrohjes së kabinës, funksionimin e duhur të xhamave dhe pasqyrave;
- Përdor antifreeze për sistemin e ftohjes së motorit;
- Qarkullo vetëm me goma të përshtatshme për stinën e dimrit;
- Mbaj gjithnjë në makinë mjetet e domosdoshme për qarkullimin në temperatura ekstreme (zinxhirë, pastruese për akullin e xhamave, etj.)
- Kur ka dëborë apo ngricë, koeficienti i fërkimit me asfaltin ulet ndjeshëm, ndaj duhet ruajtur distanca e sigurisë shtesë nga mjeti që paraprin;
- Mos kryej manovra të nxituara, veçanërisht në prani të dëborës;
- Trego kujdes me frenimin dhe rrotullimet e timonit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
