Mosha nuk të pengon të arrish sukses. 17 vjeçarët shqiptarë që e konfirmojnë këtë
Përditësuar së fundmi: 06/04/2019

Mosha nuk të pengon të arrish sukses. 17 vjeçarët shqiptarë që e konfirmojnë këtë

Share
nga Ornela Trupja
Pri 06, 2019

Edhe pse janë të rinj në moshë kanë ditur mjaft mirë të ngrenë lart emrin e tyre dhe të vendit. Që në këtë moshë kanë fituar çmimet e para nëpër botë. Kanë arritur qëllime e deri në shpikje. BusinessMag.al ju sjell arritjet e tyre, ndërsa do t’i ndjekim në të ardhmen e tyre premtuese.Esli Belshi, është vajza që në moshën 17 vjeçare fitoi vendin e dytë në botë, me projektin e saj në një konkurs shkencor ndërkombëtar në fushën e energjisë. Konkursi u zhvillua në Qendrën “Gorge Brown” të Houston, në Texas/SHBA. Esli përfaqësoi Shqipërinë me projektin “Një dorë robot”. Në këtë konkurs morën pjesë 564 nxënës dhe 300 mësues, ku u prezantuan 385 projektet më të mira nga 62 vende të ndryshme të botës. Projekti i prezantuar nga Esli Belshi u vlerësua nga juria me medalje argjendi, ndërsa “North Amerikan University” i ofroi asaj një bursë studimi.

Lexo: 17 vjeçarja nga Cërriku zë vendin e dytë në botë me shpikjen e saj

Mario Alla vetëm 17 vjeç ka bërë të mundur krijimin e disa robotëve Mark.0 dhe Mark.1. Mario është i apasionuar pas teknologjisë, pasion që i ka lindur që në moshë të vogël. Së fundi ai ka marrë pjesë në kompeticone startup dhe në programe të ndyshme, siç janë “Ofiçina” dhe “SuperGeneration”. Kjo e fundit u zhvillua nga Albtelecom dhe Mario fitoi vendin e parë, duke fituar edhe një shpërblim 2000 euro.

Lexo:  Mario Alla, djali i robotikës nga “Harry Fultz”

Inis Neziri është vajza që bëri krenare Shqipërinë duke fituar çmimin e parë në Festivalin Ndërkombëtar “Dreri i Artë”. Përveç triumfeve që Inis shënoi në festivale të ndryshme në Shqipëri ajo suksesin e saj e kurorëzoi edhe në Rumani duke përfaqësuar Shqipërinë në një nga kompeticionet muzikore të mbajtura atje.

Lexo: Inis Neziri, prek suksesin ndërkombëtar në muzikë vetëm 17 vjeç


Evente

Rikthehet TË RINJTË FLASIN!

Korrik 31, 2019
2 PM – 5 PM