Mos i bëni asnjëherë këto veprime, nëse nuk doni ta kufizoni suksesin e biznesit tuaj - Business Magazine Albania

Mos i bëni asnjëherë këto veprime, nëse nuk doni ta kufizoni suksesin e biznesit tuaj

Mos i bëni asnjëherë këto veprime, nëse nuk doni ta kufizoni suksesin e biznesit tuaj

Shumë profesionistë në biznes, nga start-up-et deri tek kompanitë më të mëdha, supozojnë se udhëheqësi i tyre ose ekzekutivi është një pozicion i caktuar dhe se aftësitë vijnë me titullin. Në realitet,lidershipi është më i mirë demonstruar kur nuk gjendet në një pozicion autoriteti dhe është një aftësi që duhet të mprehtohet çdo ditë të jetës suaj.

Shumica e ekspertëve bien dakord se lidershipi, ashtu siç perceptohet nga njerëzit përreth jush, ka më shumë të bëjë me sjelljen sesa me aftësitë specifike ose dijet. Darryl Rosen, në librin klasik “Table for Three?” e ilustron këtë me humor për 50 gabime të kota që menaxherët e zgjuar nuk i bëjnë. Një nga gabimet e lidershipit është vendosja e një shembulli të keq me veprimet tuaja (“Bëj siç them unë, jo siç bëj unë”).

Renditja e tij, përfshirë shtatë shembujt e mëposhtëm të sjelljes së dobët të lidershipit, të cilat shihen  shpesh te udhëheqësit e biznesit, ilustron se si veprimet tuaja ndikojnë tek të tjerët përreth jush.

Lexo edhe: Studimi: Mbi 80% e punonjësve trajtohen padrejtësisht. Si mund të përmirësohet kjo gjë?!

  1. Fajësimi i të tjerëve për çdo gjë

Pasioni i një pronari biznesi për një ide shpesh e shtyn atë të fajësojë të tjerët ose ngjarjet e jashtme për pengesat, në vend të vetes, në mënyrë që të mund të ruajë një farë ndjenje të vetëvlerësimit dhe kontrollit. Ky “paragjykim atributiv” mund të jetë i kuptueshëm, por perceptohet nga bashkëpunëtorët si udhëheqësi i dobët.

  1. Shqetësimi dhe ankthi për gjithçka

Shumë pak nga ajo për të cilën ne shqetësohemi dhe ankohemi ndodh ndonjëherë, kështu që mos ndani çdo shqetësim me bashkëpunëtorët. Në më të mirën, kjo vjen si mungesë besimi, ose më shpesh tingëllon si të bësh justifikime për dështime të mundshme më vonë. Anëtarët e ekipit duan udhëheqës që të qetësojnë shqetësimet e tyre, jo t’i përforcojnë ato.

  1. Kritikimi i të tjerëve dhe i kompanisë                                                                                                                                                                                                                                                                                                                                                                                                     Profesionistët që flasin kritikisht për anëtarët e ekipit, klientët, miqtë ose anëtarët e familjes, kanë diçka brenda tyre që duhet të ekzaminohet. Ka një aspekt të vetes që ata e gjejnë të papranueshëm. Udhëheqësit e vërtetë njihen si të gatshëm të shikojnë në pasqyrë dhe të mësojnë nga ajo që shohin.
  1. Ankesa për mbingarkesë

Ndjenja e të qenit i mbingarkuar gjithmonë paraprin rritjes dhe është një gjendje në të cilën truri juaj po zhvillon rrugë të reja dhe lidhje. Fillimi i një biznesi ose i një organizate të re do të shkaktojë gjithmonë dyshime dhe pasiguri vetjake. Udhëheqësit e vërtetë përqafojnë dhe menaxhojnë këto ndjenja, në vend që të ankohen tek bashkëpunëtorët.

  1. Bërja e 10 gjërave njëkohësisht 

Pronarët e bizneseve ose menaxherët që pretendojnë se mund të bëjnë disa gjëra njëkohësisht nuk duhet kurrë ta përdorin këtë si një justifikim për cilësi të dobët. Bashkëpunëtorët do të arrijnë shpejt në përfundimin se mesatarja është e mjaftueshme. Edhe një detyrë e kryer jo plotësisht  mund të jetë vdekja e çdo biznesi, ose e çdo karriere.

  1. Dukja e paorganizuar dhe menaxhimi i gjërave në mënyrë të çrregullt

Bërja e gjërave në mënyrë të çrregullt ju bën të prirur ndaj gabimeve. Në biznes, kur bëni gabime, po ju kushton kohë dhe para. Me bashkëpunëtorët, bërja e gabimeve do t’ju kushtojë në produktivitet dhe moral, dhe do të vrasë imazhin tuaj si udhëheqës. Edhe më keq, bashkëpunëtorët do të ndjekin shembullin tuaj.

  1. Dështimi për të parë të mirat tek të tjerët

Sekreti është të mbash një mendje pozitive. Lidershipi ka të bëjë me gjetjen e të mirave, për rritjen e biznesit, për avantazhin konkurrues dhe zhvillimin e njerëzve në organizatën tuaj. Menaxherët dhe sipërmarrësit kanë nevojë që të gjithë në organizatën e tyre të theksojnë të mirat, jo të përforcojnë negativet. Lidershipi  dhe përmirësimi janë për të marrë hapa të vegjël përpara dhe për të evoluar pak nga pak çdo ditë. Mendoni evolucionin, jo revolucionin. Secili mund të ndryshojë një sjellje në muaj, ose të eliminojë një gabim, dhe papritur edhe ju mund të jeni një sukses i menjëhershëm.

Sigurisht, korrigjimi i gabimeve të lidershipit është vetëm fillimi. Ka të paktën 49 mënyra të tjera për të shkuar gabim në menaxhimin e marrëdhënieve në vendin e punës, qasjet në zgjidhjen e problemeve, menaxhimin e kohës, besueshmërinë dhe efektivitetin e biznesit. Sa prej tyre i keni shmangur së fundmi në biznesin tuaj?

inc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0