Mos fajëso punonjësit! - Business Magazine Albania

Mos fajëso punonjësit!

punonjësit

Shkruar nga Marsel Kalemi, themelues dhe CEO i Kalemi Travel

Shpesh kam dëgjuar nga drejtues, punëdhënës, sipërmarrës që ankohen për punonjësit (edhe unë kam qenë një prej tyre dikur). “Nuk punojnë, duan të bëhen menjëherë drejtorë, e kanë mendjen te rroga, duan vetëm pushime, nuk po gjejmë punonjës, na çmendën, na lodhën edhe pse i mbajmë me gjithë të mirat etj. etj”.

Ta vëmë veten një moment në vendin e tyre:

– Jetojmë në një vend ku pronari është i plotfuqishëm, del mbi ligjin, mbi sindikatat, mbi të drejtat e çdo punonjësi. Kalon pagat në bankë, sepse duhet të deklarojë pagën minimale, pastaj i detyron punonjësit t’i kthejnë një pjesë të pagës. Është i fokusuar pas fitimit dhe pasurimit dhe harron që janë punonjësit ata që po e pasurojnë. Nuk paguan orët jashtë pune, ditët e pushimit, apo festat zyrtare. Vjen në punë me Ferrari apo shkon për pushime në Maldive dhe e tregon me krenari këtë para punonjësve që marrin 2 autobusa për të shkuar në punë, dhe nuk kanë ditë pushimi për pushime, por as lekë për plazh te Gjiri i Lalzit. I shfrytëzon për aq kohë sa i duhen dhe i le pa punë kur nuk ka më nevojë.

– Jetojmë në një shoqëri ku niveli i lumturisë matet me pasuri, sa më shumë lekë të kesh, sa më shumë veshje firmato të kesh, sa më shumë udhëtime luksoze të bësh aq më i lumtur duhet të jesh. Jetojmë në një shoqëri ku nuk të pyesin “A je i lumtur në punën tënde, a po zhvillohesh, a po mëson?”, por të pyesin “Sa të paguajnë? ” Duke e lidhur me atë më sipër, del në përfundimin që është më mirë të jesh pronar, se sa punonjës.

– Vijmë nga familje që kanë akoma njollat e komunizimit, ku biznesi privat është armik i popullit. Edhe sot bizneset janë gogolë që vetëm pasurohen dhe mendojnë për veten e tyre. Vijmë nga familje ku prindërit kërkojnë akoma punë te miqtë e tyre për fëmijët e tyre. Mundohen akoma të bindin fëmijët që puna në shtet është rehat, pasi ke ditë pushimi të paguara, fundjavat pushim, festat pushim, ohoho rehat.

Është shumë e vështirë për një punonjës të besojë premtimet e një punëdhënësi. Nëse nuk ka besim, nuk ka përkushtim.

Në një shoqëri kaq toksike, nëse mendon se je një lider dhe jo një pronar, çelësi i suksesit për një marrëdhënie të shëndetshme është këmbëngulja dhe durimi:

  • Këmbëngulje, sepse një lider po noton kundër rrymës toksike të shoqërisë.
  • Durim, pasi besimi dhe përkushtimi nuk vjen menjëherë. E njëjta gjë ndodh edhe në një marrëdhënie në çift ku nuk mund ta besosh partnerin, në takimin e parë, as në javën e parë, as në muajin e parë, dhe ndoshta edhe as në vitin e parë. Me kalimin e kohës, duke parë përkushtimin e partnerit, duke parë kujdesin e partnerit, fillon ta kuptosh që mund të kesh besim, ndihesh i sigurtë në këtë marrëdhënie dhe fillon të japësh edhe ti në këtë marrëdhënie.

Të njëtën gjë do bëjnë edhe punonjësit!

Shkruar nga Marsel Kalemi, themelues dhe CEO i Kalemi Travel

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0