Mirëpriten prodhimet shqiptare në Beograd - Business Magazine Albania

Mirëpriten prodhimet shqiptare në Beograd


Panairi beogradas për mobilje ka hapur dyert për bashkëpunim me kompanitë shqiptare duke ftuar prodhues nga Tirana.

Sylejman Ulliri, një nga prodhuesit, ka vendosur megjithatë të provoj fatin. Për vizitë i kanë ardhur më shumë biznese pasi shitja individuale është e vështirë, por cilësia shqiptare ka befasuar serbët.

“Është hera e parë për ne që marrim pjesë në një panair në Serbi. Si fillim jemi shumë të kënaqur me klientët e shumtë që kanë ardhur deri tani, të cilët kanë qenë nga të gjitha kategoritë”, shprehet prodhuesi nga Tirana.

Në qindra prodhues nga e tërë bota, shqiptarët kanë patur një pritje më të mirë dhe kontakte për tregje të reja, tashmë që politika i ka thënë pjesërisht po bashkëpunimit.

“Ne kemi kontakt me dy firma serbe dhe në të ardhmen do të shohim mundësinë se cilës prej tyre mund t’i japim mallrat tona. Negociatat janë për pjesën e çmimeve”, shprehet Sylejman Ulliri.

Pavarësisht politikës, shumë serbë provuan rehatinë shqiptare, krahas mijëra ekspozimeve të modeleve të fundit. Në këtë panair prodhimet e tyre i kanë ekspozuar 520 prodhues nga 45 shtete nga e tërë bota dhe ka patur mbi 85 mijë vizitorë.

Burimi: top-channel.tv

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0