Mira Murati, krijuesja e ChatGPT mendon se Inteligjenca Artificiale duhet të rregullohet - Business Magazine Albania

Mira Murati, krijuesja e ChatGPT mendon se Inteligjenca Artificiale duhet të rregullohet

Në një farë mënyre, Mira Murati mund të diskutojë drejtpërdrejt rreziqet e Inteligjencës Artificiale ndërsa ju bën të ndiheni sikur gjithçka do të jetë në rregull, shkruan revista prestigjioze “The Times”. Murati është shefe e teknologjisë në OpenAI, duke udhëhequr ekipet pas produkteve si “DALL-E”, i cili përdor Inteligjencën Artificiale (AI) për të krijuar vepra arti bazuar në kërkesat me tekst, dhe ChatGPT, chatbot-i jashtëzakonisht popullor i AI që mund t’u përgjigjet pyetjeve komplekse me aftësi të frikshme njerëzore.

ChatGPT pushtoi imagjinatën e publikut pas publikimit të tij në fund të nëntorit. Ndërsa disa shkolla po e ndalojnë atë, Microsoft njoftoi një investim të ri prej 10 miliardë dollarësh tek kompania dhe Google lëshoi një “kod të kuq”, duke u shqetësuar se teknologjia mund të prishë biznesin e saj të kërkimit. “Ashtu si me revolucionet e tjera nëpër të cilat kemi kaluar, do të ketë vende të reja pune dhe disa vende pune do të humbasin…” i tha Murati, moderatorit të famshëm amerikan Trevor Noah vjeshtën e kaluar për ndikimin e AI, “por unë jam optimiste”.

Për pjesën më të madhe të janarit, ChatGPT ishte termi më I kërkuar duke lënë pas Bitcoinin, sipas Google Trends. E gjithë vëmendja ka bërë që startup-i privat me bazë në San Francisko – me 375 punonjës –të arrijë një vlerësim prej rreth 30 miliardë dollarësh. Murati foli për TIME për dobësinë më të madhe të ChatGPT, potencialin e pashfrytëzuar të softuerit dhe pse është koha për të ecur drejt rregullimit me ligj të Inteligjencës Artificiale.

Së pari, dua t’ju përgëzoj ju dhe ekipin tuaj për lajmet e fundit që ChatGPT shënoi një notë kaluese në një provim të licencimit mjekësor në SHBA, një provim MBA të Shkollës së Biznesit Ëharton dhe katër provime të mëdha universitare në shkollën juridike. A të duket sikur ke një fëmijë të shkëlqyer?

Ne nuk e prisnim këtë nivel emocioni nga nxjerrja e fëmijës tonë në botë. Ne, në fakt, kishim edhe njëfarë frike për ta nxjerrë atë. Jam kurioz të shoh zonat ku do të fillojë të gjenerojë dobi për njerëzit dhe jo vetëm risi dhe kuriozitet.

Unë i kërkova ChatGPT një pyetje të mirë për t’ju bërë. Ja çfarë thuhej: “Cilat janë disa nga kufizimet ose sfidat që keni hasur gjatë punës me ChatGPT dhe si i keni kapërcyer ato?”

Kjo është një pyetje e mirë. ChatGPT është në thelb një model i madh bisedor – një rrjet i madh nervor që është trajnuar për të parashikuar fjalën tjetër – dhe sfidat me të janë të ngjashme me ato që shohim me modelet bazë të gjuhëve të mëdha: mund të shpiki fakte që nuk janë të vërteta.

Edhe në një mënyrë shumë të sigurt!

Po. Kjo është në fakt një sfidë thelbësore. Ne zgjodhëm dialogun veçanërisht sepse dialogu është një mënyrë për të bashkëvepruar me një model dhe për t’i dhënë atij reagime. Nëse mendojmë se përgjigjja e modelit është e pasaktë, mund të themi: “A je i sigurt? Unë mendoj se në të vërtetë…” Dhe më pas modeli ka një mundësi të bashkëveprojë me ju, ngjashëm me mënyrën se si do të bisedonim me një njeri tjetër.

Lexo edhe: Mira Murati, shqiptarja që udhëheq operacionet teknologjike të OpenAI e projekteve ChatGPT dhe Dall-E

Teknologjitë vërtet novatore zgjidhin një problem. Çfarë problemi po zgjidh ChatGPT?

Tani për tani, është në fazën e rishikimit të kërkimit, kështu që nuk dua të flas me besim të lartë se cilat probleme po zgjidh. Por unë mendoj se ne mund të shohim se ajo ka potencialin për të revolucionarizuar me të vërtetë mënyrën se si mësojmë. Njerëzit janë në klasa me, të themi, 30 persona. Të gjithë kanë prejardhje të ndryshme, mënyra të të mësuarit dhe të gjithë po marrin në thelb të njëjtën kurrikulë. Me mjete si ChatGPT, mund të bisedoni pafund me një model për të kuptuar një koncept në një mënyrë që i përshtatet nivelit tuaj të të kuptuarit. Ka potencial të jashtëzakonshëm për të na ndihmuar me edukimin e personalizuar.

Por disa shkolla po ndalojnë ChatGPT. A ju befason kjo?

Kur po zhvillojmë këto teknologji, ne vërtet po shtyjmë drejt inteligjencës së përgjithshme, aftësive të përgjithshme me besueshmëri të lartë – dhe e bëjmë këtë në mënyrë të sigurt. Por kur e hapni atë për sa më shumë njerëz që të jetë e mundur me prejardhje të ndryshme dhe ekspertizë të fushës, patjetër që do të habiteni nga llojet e gjërave që ata bëjnë me teknologjinë, si në frontin pozitiv ashtu edhe në atë negativ.

Një numër në rritje i liderëve në këtë fushë po paralajmërojnë për rreziqet e AI. A keni ndonjë dyshim për teknologjinë?

Ky është një moment unik në kohë ku ne kemi agjenci në mënyrën se si ajo e formëson shoqërinë. Dhe kjo shkon në të dyja drejtimet: teknologjia na formëson dhe ne e formësojmë atë. Ka shumë probleme të vështira për t’u kuptuar. Si e bëni modelin të bëjë atë që ju dëshironi dhe si siguroheni që të jetë në përputhje me qëllimin njerëzor dhe në fund të fundit në shërbim të njerëzimit? Ekzistojnë gjithashtu një sërë pyetjesh rreth ndikimit shoqëror, dhe ka shumë pyetje etike dhe filozofike që duhet t’i shqyrtojmë. Dhe është e rëndësishme që ne të sjellim zëra të ndryshëm, si filozofë, shkencëtarë socialë, artistë dhe njerëz nga shkencat humane.

Cila është pyetja kryesore etike ose filozofike që ne ende duhet ta kuptojmë?

[AI] mund të keqpërdoret, ose mund të përdoret nga aktorë të këqij. Pra, atëherë ka pyetje se si e qeverisni përdorimin e kësaj teknologjie në nivel global. Si e rregulloni përdorimin e AI në një mënyrë që është në përputhje me vlerat njerëzore?

A mendoni se këto pyetje duhet t’u lihen kompanive si tuajat, apo qeveritë duhet të përfshihen në krijimin e rregulloreve?

Është e rëndësishme që OpenAI dhe kompanitë si e jona ta sjellin këtë në ndërgjegjen e publikut në një mënyrë të kontrolluar dhe të përgjegjshme. Por ne jemi një grup i vogël njerëzish dhe kemi nevojë për më shumë kontribut në këtë sistem dhe shumë më tepër kontribut që shkon përtej teknologjive – padyshim rregullatorët, qeveritë dhe të gjithë të tjerët.

Gjithmonë ekziston frika se përfshirja e qeverisë mund të ngadalësojë inovacionin. Nuk mendoni se është shumë herët që politikëbërësit dhe rregullatorët të përfshihen?

Nuk është shumë herët. Është shumë e rëndësishme që të gjithë të fillojnë të përfshihen, duke pasur parasysh ndikimin që do të kenë këto teknologji.

Mira, a mund të më japësh një këngë apo album, një libër dhe një film që të na japë një pasqyrë se kush je dhe çfarë të frymëzon?

  • Kënga: Paranoid Android nga Radiohead Kënga është me shtresa dhe prek tema që lidhen me shoqërinë në teknologji. Jo shumë emocionuese, por e bukur dhe nxitëse.
  • Libri: Duino Elegiies, një përmbledhje me poezi nga Rainer Maria Rilke. Kohët e fundit e mora këtë si dhuratë dhe e gjeta thellësinë dhe bukurinë e poezive shumë frymëzuese.
  • Filmi: 2001: A Space Odyssey vazhdon të ngacmojë imagjinatën time me imazhet dhe muzikën e saj, veçanërisht në sekuencën befasuese ku anijet kozmike ankorohen nga valsi i Danubit Blu të Johann Strauss./ The Time

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0