Paraditen e së martës, ministri i Financave Shkëlqim Cani, ka mbajtur një konferencë për shtyp. Gjatë kësaj konference, Cani e ka vënë theksin tek Eurobondi, që sipas tij është elementi kyç në zhvillimin e ekonomisë.
Ministri ka deklaruar: “Eurobondi është pjesë e një strategjie që synon lehtësimin e borxhit publik. Shqipëria arriti të marrë 450 milionë euro me një normë interesi prej 5.75 për qind. E mira e këtij eurobodi është që po marrim një hua 5-vjeçare dhe po heqim dorë nga tregu i brendshëm, që zakonisht na jep hua 33, 6 ose 12 mujore. Pra zëvendësojmë një pjesë të borxhit afatshkurtër në borxh afatgjatë”.
Më pas, Cani ka pohuar se buxheti i vendit doli sërish me defiçit në vitin 2015, por kjo sipas tij nuk duhet të na çudisë. “Ka 25 vite që buxheti i vendit del me defiçit, nuk kemi arritur në asnjë vit të dalim me sufiçit. Me Eurobondin i kemi bërë të mirën e duhur financave të vendit”, ka thënë Cani.
Ministri Cani ka shtuar se, për zhvillimin e ekonomisë qeveria ka nisur 12 reforma, të cilat sipas tij kanë marrë vlerësime maksimale nga partnerët ndërkombëtarë.
/Shekulli/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
