Ministri Çuçi fton fermerët të aplikojnë për financim

Ministri Çuçi fton fermerët të aplikojnë për financim


Në kuadër të një fushate informimi që AZHBR ka nisur në gjithë Shqipërinë, lidhur me Skemën Mbështetëse Kombëtare 2019, zoti Blendi Çuçi Ministër i Bujqësisë dhe Zhvillimit Rural, ka zhvilluar një takim me fermerët e Gjirokastrës. Drejtoresha e AZHBR, znj.Frida Krifca dhe ministri Çuçi u bënë thirrje fermerëve të kësaj zone të aplikojnë për të përfituar mbështetje financiare.

Ministri tha se, skema e këtij viti i jep prioritet bektorisë, e cila është shumë e favorshme për Gjirokastrën, që njihet si një prej qarqeve me numër të madh krerësh dhe me traditë të hershme në blegtori. Ai u shpreh gjithashtu se mbështetje do të kenë edhe ata që duan të investojnë në fushën e agroturizmit. “Fakti që Gjirokastra i ka të gjitha potencialet e duhura për të zhvilluar sipërmarrje të tilla, më ka shtyrë të inkurajoj të gjithë ata që kanë një ide të tillë biznesi. Skema Kombëtare dhe Programi IPARD përbëjnë një paketë financiare domethënëse në shërbim të sektorit bujqësor dhe agropërpunues në vend, prandaj aplikimi është zgjidhja e duhur”, – tha ai.  

Lexo:  Gjermania financon me 2 milionë euro bujqësinë shqiptare

Aplikimet për të përfituar nga këto fonde do të bëhen online në 20 Agropika, 16 Agjenci Rajonale Ekstensionit Bujqësor dhe ADISA nga data 23 prill deri më 17 maj 2019. Krahas dokumenteve të identifikimit, fermerët duhet të ketë NIPT-in e fermerit Aktiv. Fondi i Skemës Kombëtare nga Buxheti i Shtetit, i shtohet fondit të programit të Bashkimit Europian IPARD, thirrja e dytë e të cilit pritet të hapet pas disa muajsh.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0