Mine.al, platforma e parë shqiptare për menaxhimin e monedhave virtuale


Blockchain është një risi teknologjike, nga shumë ende e paqartë e nga të tjerë e kritikuar. Sipërmarrës të suksesshëm si Bill Gates, Warren Buffett, Elon Musk e quajnë një fluskë iluzioni që shumë shpejt do të plasë. Megjithatë, tregu i kriptomonedhave është një treg në rritje për të gjithë ata që e besojnë dhe investojnë në të çdo ditë.

Vende si Kanada, Singapor, Japoni, Rusi, etj,. po i përdorin monedhat dixhitale për pagesa, shërbime apo shlyerjen e taksave. Shumë platforma online po lehtësojnë menaxhimin e minierave virtuale që prodhojnë Bitcoin, Ethereum, Litecoin, etj.

Një platformë të tillë e gjejmë edhe në Shqipëri, me emrin Mine.al. E ndërtuar nga dy të rinj të apasionuar pas teknologjisë, Dorian Kane dhe Kadri Manaj, Mine.al i vjen në ndihmë të gjithë komunitetit që prodhon monedha virtuale (Mining). Ajo u krijua nga nevoja për të monitoruar dhe menaxhuar pajisjet që ata krijonin.

“Teknologjia BlockChain është më perfektja për kohën, sepse është e pa manipulueshme dhe më e avancuar se sistemet e bankave që ne kemi sot”, shprehet Dario Kane, bashkëthemelues dhe programues i platformës në web dhe MineOS.

Për ta, teknologjia Blockchain është “e ardhmja” dhe për këtë arsye, po mësojnë e punojnë në mënyrë të tillë që e ardhmja mos t’i gjejë të papërgatitur.

“Besimi ynë në këtë fushë është krijuar nga vetë fakti që ky sistem është i dencentralizuar”, shton Kadri Manaj, bashkëthemelues i Mine.al, “Midis dërguesit dhe marrësit nuk përfshihen palë të treta, si banka apo autoritetet që mbajnë tarifa apo krijojnë vonesa, ashtu siç na ndodh të gjithëve kur bëjmë një pagesë me bankë”.

Platforma shqiptare i shërben tregut duke i rritur përfitimet sepse mban në nivel optimal 24 orë në ditë të gjitha minierat virtuale.

Mine.al nuk është vetëm një koncept.  Website-i sot u shërben mbi 600 personave që kanë lidhur minerat e tyre virtuale me këtë platformë dhe 1200 klientëve nga e gjithë bota ku 40% e tyre janë shqiptarë.

Gjithashtu, ky projekt startup është shpallur fitues i vendit të dytë në konkursin SuperGeneration nga Albtelecom. Djemtë u shpërblyen me 1000 euro, vlerë kjo që do t’i ndihmojë të ndërtojnë aplikacionin Mine.al për Android dhe iOS.

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale