Kompania mëmë e WhatsApp, Meta, ka fshirë 6.8 milionë llogari në këtë platformë, pasi ato rezultuan të ishin të lidhura me qendra kriminale mashtrimi që synonin përdorues nga mbarë bota.
Fshirja e llogarive, që sipas Meta-s ndodhi gjatë gjysmës së parë të vitit 2025, është pjesë e një përpjekjeje më të gjerë të kompanisë për të goditur fenomenin e mashtrimeve në internet.
Në një njoftim të dhënë të martën, Meta bëri të ditur gjithashtu se po prezanton mjete të reja sigurie në WhatsApp, për të ndihmuar përdoruesit të dallojnë më lehtë mashtrimet. Këto përfshijnë një përmbledhje sigurie që do të shfaqet automatikisht sa herë që një person i panjohur shton një përdorues në një grup, si dhe njoftime testuese që i sugjerojnë përdoruesit të ndalojnë dhe të reflektojnë përpara se të përgjigjen.
Lexo edhe: AMA dhe platforma “X” e Elon Musk bashkohen kundër urrejtjes online
Mashtrimet po bëhen gjithnjë e më të zakonshme dhe më të sofistikuara në botën digjitale të sotme. Oferta që duken shumë të mira për të qenë të vërteta, apo mesazhe të padëshiruara, përpiqen të vjedhin të dhënat personale ose paratë e konsumatorëve. Nga telefonat tanë e deri te rrjetet sociale, mashtrimet janë gjithnjë e më të pranishme në çdo cep të internetit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
