Mercedes Vision AVTR, është padyshim avatari mes tokësorëve, në panairin e teknologjisë në Las Vegas, CES 2020.
Prezantimi i automjetit të ri, Mercedes Vision AVTR, është mahnitës. Ajo është e ardhmja që sheh Mercedes Benz në fushën e teknologjisë së automobilëve. Kompania gjermane, i imagjinon makinat e veta si krijesa të gjalla dhe Vision AVTR, e frymëzuar nga filmi fantastiko-shkencor Avatar, është dëshmia më e mirë.
AVTR vjen me një dizajn të frymëzuar nga bota e Pandorës, universi imagjinar, ku zhvillohet filmi i regjisorit James Cameron me krijesat e tij ngjyrë blu. Objektivi është të demonstrohet një mundësi ndërveprimi: njerëz, makina dhe natyra.
Projektuesit gjermanë janë shprehur se, “Ne nuk donim të krijonim një makinë. Ne donim të krijonim diçka që i ngjan një organizmi të gjallë”.
Lexo: 6 shembuj të aplikimit të inteligjencës artificiale në jetën reale
Makina ka shumë njësi praktike ndërkohë që design i tyrë është më shumë i stilit Hollivudian.
Ajo është në gjendje të regjistrojë rrahjet e zemrës së pasagjerit dhe frymëmarrjen e tij, pasi të vendoset dora në njësinë e kontrollit. Nëse pasagjeri ngre dorën, një menu projektohet në pëllëmbë dhe ai mund të zgjedhë funksione të ndryshme. AVTR është elektrike dhe mund të zhvendoset edhe anash. AVTR është vetëm një koncept ndaj mos prisni që ta shikoni fort shpejt në rrugë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English