Mercedes-Benz lançon “GLE-Class” e shumëpritur

Marka më e mirë luksoze  me shitje rekord në Indi për plot nëntë muaj me radhë deri në shtator, Mercedes-Benz hodhi në treg të shumëpriturën “GLE SUV” për të marë kryesimin ndaj Audi Q5 dhe për t’i dhënë kompanisë avantazhe ndaj rivalit BMW me X5. 

I sapozgjedhuri në postin e Drejtorit të Manaxherit dhe CEO-s për rajonin e Indisë, Roland Folger, tha për Business Today In  ditën e premte:”GLE-Class i ri është përgjigjia ndaj aspiratave tona më të larta për SUV-in në treg. Si pasardhësi i ML-Class, pritshmëria jonë është që të arrijë majën e shitjeve të SUV të makinave të madhësisë së mesme në tregun indian.”

Ka shumë gjasa që kjo pritshmëri të realizohet dhe të shënojë shitje më të larta për Mercedes-Benz në shifra globale. Vetëm për periudhën Janar-Shtator ka bërë shitje rekord prej 10,079 automjetesh, përkundrejt 10,201 të tillave të shitura gjatë të gjithë 2014-ës. Deri tani, rivalët lokalë BMW dhe JLR nuk i kanë bërë akoma publike të dhënat e tyre.

Tregu indian po spostohet drejt blerjes së SUV dhe Mercedes –Benz nuk i ka korrur ende benefitet e saj. Portofoli i SUV që përfshin GLA, ML-Class dhe GL-Class u rrit fuqishëm me 70 % vetëm për periudhën Janar-Shtator.

Gjithashtu, për tre muaj me radhë deri në shtator , Mercedes-Benz ishte marka më e mirë në botë e makinave luksoze të shitura, duke ia kaluar BMW-së dhe Audi-t me kërkesën tejet të lartë për makinat e portofolit SUV.

Mercedes-Benz po kërkon të rifitojë lidershipin global në sektorin e makinave luksoze . Sidomos në Kinë ku  shifrat tregojnë se po ia del më së miri dhe  shitjet kanë pësuar një rritje me 31 % deri këtë shtator.