Të gjithë e njohim Wolt-in, platformën globale të shpërndarjes që tashmë operon edhe në Kosovë, dhe Nokia-n, një kompani lidere në teknologji dhe inovacion – të dyja të themeluara në Finlandë. Po ashtu, logoja ikonike me tre vija e Adidas simbolizon performancën, qëndrueshmërinë dhe inovacionin. Por çfarë mund të mësojmë nga përvoja e lidershipit dhe marketingut në këto kompani dhe si mund ta zbatojmë atë në organizatat tona? Për këtë do të flasin Mark Hayton dhe Kremena Yordanova në samitin global PowerToHR 3, organizuar nga platforma #1 në Kosovë, KosovaJob.
Mark Hayton, Udhëheqës i Zhvillimit të Lidershipit në Wolt dhe ish-Drejtues Global i Kulturës dhe Lidershipit në Nokia, do të ndajë përvojën e tij të pasur në mbi 120 vende dhe kultura të ndryshme. Në sesionin e tij, ai do të eksplorojë sfidat e një bote të paparashikueshme dhe do të tregojë se si organizatat mund të fuqizojnë zhvillimin personal, kohezionin në ekipe dhe rritjen e qëndrueshme.
Po ashtu, në këtë edicion të PowerToHR 3 do të kemi një tjetër emër të rëndësishëm, Kremena Yordanova, ish-Drejtoreshë e Marketing Activations në Adidas. Me 17 vite përvojë në drejtimin e brendeve Fortune 500, Kremena ndihmon ekipet të rriten duke balancuar teknologjinë dhe ndikimin kulturor. Në fjalimin e saj, ajo do të ndajë strategji mbi krijimin e një marke që jo vetëm rrit biznesin, por edhe tërheq talentet më të mirë. Ajo kombinon fuqinë e marketingut me strategji të avancuara të AI, duke ruajtur autenticitetin dhe thelluar ndikimin e kompanisë. Diskutimi me të do të eksplorojë se çfarë do të thotë të drejtosh marketingun në një botë të orientuar nga përvoja dhe fuqizuar nga AI.
Lexo edhe:Business Magazine Albania ju lidh më afër me samitin spektakolar global “PowerToHR 3”
Më parë kemi prezantuar emra të mëdhenj nga kompani liderë si Google, META, Booking dhe Adidas, si dhe nga organizata vendore. Këtë vit, PoëerToHR 3 sjell një edicion të jashtëzakonshëm më 3 prill në AMC Hall, ku do të jetë epiqendra e Burimeve Njerëzore, Teknologjisë dhe Marketingut.
Mos e humb mundësinë për të ndjekur 40 sesione inspiruese, për të marrë njohuri praktike dhe për të krijuar lidhje me profesionistët më të mirë të industrisë. Gjithashtu, në këtë edicion do të keni mundësi të rrjetëzoheni me profesionistët globalë të industrisë në tri hapësira të dedikuara për takime, bashkëpunime dhe relaksim.
Business Magazine Albania që është një partner në këtë samit, ka arritur të sigurojë një zbritje për të gjithë lexuesit e saj, nga 120 euro çmimi i rregullt në çmimin me zbritje ‘Early Bird; në 79 Euro. Nxitoni dhe do të na falenderoni për këtë vendim.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English