Më 29 Janar Uplift Albania Demo-Day zbulon startupet më premtuese të rajonit - Business Magazine Albania

Më 29 Janar Uplift Albania Demo-Day zbulon startupet më premtuese të rajonit

Pas 4 muajsh rrugëtim plot sfida e suksese, edicioni i dytë i Uplift Albania do të njohë fituesit e saj ditën e Premte më 29 Janar në Uplift Demo Day.

Në një ceremoni e cila do të organizohet në formatin hibrid, me pjesëmarrje fizike dhe virtuale, nga ora 17:40 deri në orën 20:00 11 startupet që ndoqën programin e akselerimit do të marrin vëmendjen e mediave, partnerëve, mbështetësve të Uplift Albania në përpjekje për të joshur investitorë engjëj.

Falë eksperiencës mëse 10 vjeçare të ICTSmedia, partneritetit të SOVVA dhe mbështetjes financiare të SlovakAid, 11 startupet nën patronazhin e 50+ ekspertëve të Uplift Albania, nga program i akselerimit mësuan sesi të joshin investime, të mbrojnë pronën e tyre intelektuale, të përmirësojnë modelet e biznesit e të aplikojnë metodologjinë “lean startup” dhe të nesërmen të shndërrohen në biznese të suksesshme.

Startupet më premtuese kanë mundësi të ngrijnë investime deri në 50,000 euro falë rrjetit të gjerë të partnerëve të ICTSmedia dhe Uplift Albania ndërsa 5,000 euro janë dedikuar në formën e çmimeve cash.

Varg.ioFoodFilledNeuroyouthWellnes+HermexiNegotioAlbBnbSwipinCrossplagUdhë dhe Nutriprep kaluan fazën e Selection Bootcamp dhe ndoqën programin e akselerimit.

Gjatë 4 muajve ata patën shansin të takohen me mentorë, ekspertë të fushës e madje investitorë. Uplift Albania Mini-Demo Day në Dhjetor i parapriu finales ku startupet demonstruan sikur të ishin në Demo-Day.

Një moment i një rëndësie të veçantë, Demo Day është finalja e madhe e Uplift Albania ku startupet do të takohen me investitorët gjatë evenimentit Investor Connect.

11 startupet më pas do të prezantojnë biznesin në skenë përballë jurisë së Uplift Albania dhe një audience të gjerë me familje, miq, mbështetës dhe partnerë që do ti ndjekin virtualisht.

Axhenda e Demo Day:

  • 16:00 – 16:30 Regjistrimi
  • 16:30 – 17:30 Investor Connect
  • 17:40 – 20:00 Demo Day, Prezantimi i Startupeve,
  • 20:00 Shpallja e Fituesve

Për tu bërë pjesë e evenimentit virtual ju mund të regjistroheni në këtë lidhje: https://zoom.us/webinar/register/WN_0fiaV9lATe6-x_trXLrO9g

Uplift Albania mbetet i hapur për investitorët potencialë  dhe engjëj nga Shqipëria dhe rajoni. Ata do të gëzojnë të gjithë mbështetjen e ICTSmedia për të facilituar një proces sa më të mirë due diligence deri në finalizimin e investimit.

Uplift Albania është fryt i bashkëpunimit të ngushtë mes ICTSmedia, SOVVA dhe mbështetjen financiare të SlovakAid dhe sponsorëve Vodafone, Raiffeisen Bank, Huawei, Albvision, EU for Innovation, Bashkia Tiranë, Swissep dhe ICTSlab. PCWorld Albanian, CIO, SCAN TV dhe Geek Room janë partnerë mediatikë të kësaj ngjarjeje.

Rreth ICTSmedia

ICTSmedia është shtëpia botuese lider në rajon në fushën e teknologjisë dhe informacionit. Themeluese e garës mbarëkombëtare në teknologji Albanian ICT Awards dhe mbështesë e aktiviteteve të ngjashme në këtë sektor në Shqipëri. Laboratori multi-funksional ICTSlab i hapur së fund në Tiranë me disa prej kurrikulave më të avancuara ndërkombëtare vjen si një fryt i eksperiencës së ICTSmedia. Shtëpia botuese është publikuese e disa prej mediave online më të ndjekura në teknologji si PCWorld Albanian.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0