Mbyllet Elevator Lab, 3 fitues sigurojnë mbështetje - Business Magazine Albania

Mbyllet Elevator Lab, 3 fitues sigurojnë mbështetje

Elevator Lab u mbyll duke identifikuar 3 startup-e që do të marrin mbështetje konkrete nga Raiffeisen Bank. Ndërkohë, juria inkurajoi të gjithë startup-et pjesëmarrëse të vijojnë me idetë e tyre të biznesit.

Kompanitë fituese ishin: Hermex, nga Shqipëria, Quantix, nga Kosova dhe Payron, po nga Kosova.

Juria vlerësoi se këto 3 ide kanë potencial për të siguruar zgjidhje efektive me përvoja të mira për klientin. Mes jurisë, ishte edhe sipërmarrësi Dritan Mezini, i cili vlerësoi se të gjitha idetë e prezantuara janë të dobishme për tregun financiar dhe mund të vlejnë në nivel rajonal nëse ato arrijnë të sigurojnë zhvillimin e duhur.

E veçanta e këtij konkursi është pikërisht mundësia për t’u zhvilluar në dhjetëra shtete, falë edhe shpërndarjes së Raifferisen Bank në këto shtete.

Zgjidhjet praktike financiare, në formatet online, janë bërë edhe më të vlefshme gjatë këtij viti, kur pandemia frenoi kontaktet fizike mes njerëzve.

Kompanitë që arritën në finale dhe bënë prezantimet e tyre para jurisë ishin:

RECA (Shqipëri)
Quantix (Kosovë)
Shpërnda (Shqipëri)
Smart Contract (Shqipëri)
BITmetrics (Kosovë)
Hermex (Shqipëri)
Finsition (Kosovë)
Payron (Kosovë)

Këtë vit, Elevator Lab u zhvillua online, çka solli një përvojë të re për organizatorët por edhe për vetë startup-et.

Lexo: Ministri Shalsi: startupet do të kenë struktura mbështetëse dhe lehtësi

Gerti Boshnjaku, drejtues i New Media Comunications, një prej bashkë-organizatorëve të Bootcamp, ka theksuar se kjo, “ishte një sfidë më vete organizimi i Elevator Lab 2020, duke pasur parasysh paqartësinë e situatës prej pandemisë. Për këtë, dua të theksoj se jam shumë i lumtur me bashkëpunimin dhe profesionalizmin që gjetem tek kolegët e stafi i Raiffeisen Bank Albania & Kosova dhe ata të ICK. Fituam shumë nga kjo përvojë dhe besoj bëmë maksimumin për të informuar sa më shumë startupe mbi nismën. Synuam t’u japim atyre mundësinë për të ndjekur këtë program sa edukativ aq edhe produktiv përsa i përket rrjetëzimit. Heronjtë e Bootcampit fituan:
1-Çmim 8000 euro

2-Coaching e mbështetje nga Raiffeisen Bank

3-Mundësi për t’u bërë partner i RBI Group, me mundësi për t’u zgjeruar në 13 vende plus Austrinë

4-Inkubim dhe akselerim i programit nga Innovation Center Kossovo (ICK)

5-Program akselerimi dhe mentorim nga Innovative Albania.

Ky format Bootcamp ofroi mundësinë e zhvillimit të një produkti minimal të zbatueshëm (MVP) me ndihmën e ekspertëve të sistemit bankar. Bootcamp u ofroi startup-eve lokale një program arsimor, i cili do të shërbejë si një biletë hyrëse në botën e startup-eve.

Programi i përbashkët “Elevator Lab Kosovë & Shqipëri 2020” u zhvillua nga Raiffeisen Bank në Kosovë dhe Shqipëri për të dytin vit radhazi, duke sjellë si risi në këtë edicion prezantimin e formatit Bootcamp.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0