Mblidhet Juria e Edicionit të 10-të ICT Awards - Business Magazine Albania

Mblidhet Juria e Edicionit të 10-të ICT Awards

ICT Awards
Rrugëtimi Dhjetë vjeçar i garës mbarëkombëtare të ICT Awards, hyn në fazën thelbësore siç është ajo e vlerësimit të kandidatëve më të mirë për çmimet e vitit në inovacion dhe teknologji.
Gurëthemeli i radhës i edicionit të dhjetë, u shënua sot Datë 20 Prill 2022, në dy lokacione paralele Prishtinë dhe Tiranë, si dhe me pjesëmarrjen virtuale prej anëtarëve pjesëmarrës nga Shkupi dhe Stambolli.

Juria e ICT Awards, këtë vit përbëhet nga: Edona Bilali, Altin Petre, Visar A. Jasiqi, Alda Shehu, Azir Aliu, Igli Gjelishti, Gjergji Guri, Elinda Kajo Meçe, Edlira N Martiri, Ilir Capuni, Blerim Rexha, Jeta Zagragja, Ermal Beqiri dhe Hana Qerimi.
Juria u njoh me listën e më shumë se 100 kandidatëve dhe 80 projektet e tyre inovative në garë për çmimet e mëdha të teknologjisë.
Vëmendjen kryesore të këtij takimi e kishin padyshim kandidatët dhe projektet e mbërritura, ndërsa në axhendën e tij ishte përzgjedhja e kryetarit të jurisë që këtë vit u votua unanimisht Z. Visar Jasiqi , e cili vjen me një profil me eksperiencë të gjatë menaxheriale në edukim profesional dhe zhvillim të kapaciteteve humane, anëtarë jurie prej 10 vitesh në ICT Awards dhe drejtues inxhinierik pranë zyres Radix në Kosovë.
Ndërsa në rolin e zëvëndës kryetarit të jurisë u votua Zj. Elinda Kajo Meçe, me titull Prof. Dr. pranë Departamentit të Inxhinierisë Informatike, një kohësisht Dekane e Fakulteti i Teknologjisë së Informacionit, Universiteti Politeknik të Tiranës.
Kryesia e zgjedhur e Jurisë u shpreh e vetëdijshme për përgjegjësitë dhe rëndësitë e këtyre roleve si dhe shprehën vullnetin, dëshirën dhe kënaqësinë e tyre për të përfaqësuar Jurinë në aktivitetet vijuese.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0