Mbahet takimi final i jurisë së Albanian ICT Awards, më 28 Prill shpallen fituesit e edicionit të pestë - Business Magazine Albania

Mbahet takimi final i jurisë së Albanian ICT Awards, më 28 Prill shpallen fituesit e edicionit të pestë


Të gjendur përballë një sfide të vërtetë, ata jo vetëm demostruan projektet e tyre por detyra më e vështirë ishte mbrojtja e inovacioneve përballë një jurie me një profesionalizëm të lartë.

Juria si gjithmonë e vëmendshme ndaj detajeve, ka adresuar pyetje të ndryshme kandidatëve pretendentë për të fituar çmimet e mëdha të ICT Awards nga mbare trevat shqipfolëse.

Numri i lartë i aplikimeve në edicionin e pestë të Albanian ICT Awards prej 106, dëshmon edhe njëherë tjetër për vlerat në rritje të komunitetit TIK. Risi e këtij viti ka qenë edhe pjesëmarrja e lartë e femrave në TIK, e cila tregon se hendeku gjinor në industrinë e teknologjisë po vjen duke u ngushtuar.

Kategoria ICT Inovacioni i vitit ka qenë surpriza e këtij viti me një numër rekord aplikimesh mjaft cilësore.

Rezultatet e këtij takimi final të Jurisë që do të prodhojë listën e ngushtë të projekteve më të mira, finalistëve dhe të ftuarve në mbrëmjen jubilare Gala të Albanian ICT Awards e cila do të mbahet të Premten e datës 28 Prill 2017 pranë Sheraton Hotel Tirana.

Mbështetje financiare për Albanian ICT Awards

Pas kërkesës së shumë dashamirësve, ICTSmedia ka vendosur të hapë për publikun dy mundësi për pjesëmarrje, përmes së cilave synon rritjen e shumës së shpërblimeve për finalistët dhe për mbulimin e organizimit të mbrëmjes Gala.

Përmes blerjes së këtyre çmimeve, ju do të kontriboni drejtpërsëdrejti në rritjen e shpërblimeve ndaj finalistëve, çmimit kryesor dhe heqjes së shpenzimeve të kandidatëve të ftuar për demonstrime si dhe për heqjen e shpenzimeve të kandidatëve të ftuar nga të gjitha trevat shqiptare.

Albanian ICT Awards 5 shpalli të hapur garën më 27 Janar ku të interesuarit mund të aplikonin deri më 31 Mars përmes www.ictawards.org në tetë kategori: ICT Inovacioni i Vitit, ICT Mobiliteti i Vitit, ICT Diploma e Vitit, ICT Ylli në Ngritje i Vitit, ICT Shërbimi Publik i Vitit, ICT Akademiku i Vitit, Femra në ICT dhe çmimi i ri ICT Siguria Kibernetike.

Me mbështetjen tradicionale të Fondacionit Dritan Hoxha, Bankës Raiffeisen dhe Albsoft, gara mbarëkombëtare e shpërblimeve në fushën e teknologjisë së informacionit po i afrohet fundit për këtë vit.

U mbajtën 20 takime me të rinj, studentë, profesorë, dhe të pasionuar në Tiranë, Prishtinë, Shkup, Tetovë, Shkodër, Preshevë dhe Gjakovë.

Më 1 Prill u mblodh për herë të parë juria e këtij edicioni e cila do të drejtohet nga Mirlinda Karçanaj në pozitën e Kryetares dhe Sokol Vladi në pozitën e zëvendës Kryetarit.

Organizuar nga shtëpia botuese ICTSmedia dhe vlerësuar me çmimin Bleta e Artë në Kategorinë ICT për kontributin e çmuar në drejtim të promovimit të sipërmarrjes dhe zhvillimit në këtë sektor, Albanian ICT Awards shpall më 28 Prill fituesit e edicionit të pestë të garës.

Rreth Albanian ICT Awards

Albanian ICT Awards është një garë mbarëkombëtare unike për nga karakteri dhe dedikimi, që ka për synim identifikimin, shpërblimin dhe promovimin e profesionistëve të dalluar, udhëheqësve të suksesshëm të bizneseve, inovatorëve, akademikëve dhe të rinjve entuziast në fushën e ICT-së. Sistemi shpërblyes i këtij evenimenti realizohet përmes një përzgjedhje të paanshme dhe rigoroze nga një juri e përbërë nga figura të shquara të komunitetit ICT në vend, bazuar në kritere të veçanta etike dhe profesionale të vlerësimit.

Rreth ICTSmedia

ICTSmedia si një shtëpi botuese lider në botimet mediatike në fushën e Teknologjisë, Informacionit, Komunikimit dhe Sigurisë. Këtë vit prezanton edicionin e 5-të vjetor kombëtarë të evenimentit shpërblyes “Albanian ICT Awards V.”

Burimi: ictawards.org

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0