Mbahet në Tiranë Forumi i Biznesit Shqipëri - Poloni - Business Magazine Albania

Mbahet në Tiranë Forumi i Biznesit Shqipëri – Poloni


Dje me rastin e Vizitës së Kryeministres së Polonisë, Znj. Beata Szydlo, u zhvillua Forumi i Biznesit Poloni – Shqipëri. Kryeministrja e Polonisë në këtë vizitë u shoqërua me biznesmenë polakë të sektorëve të ndryshëm të ekonomisë. 

Eventi u zhvillua në Hotel Plaza, në prani të institucioneve, bizneseve dhe kryeministrave të të dy vendeve. Suportin kryesor në organizimin e këtij eventi e dha AIDA dhe Dhomat e Tregtisë. Axhendën e aktivitetit e kryesuan me fjalën e tyre titullarët respektivë, përfaqësues të Agjensive të Zhvillimit të Investimeve, Z.Genti Beqiri për palën shqiptare dhe Z. Tomasz Pisula për palën polake, si dhe përfaqësuesit e Bashkimit të Dhomave të Tregtisë dhe Industrisë, Shqiptare dhe Polake, Znj. Ines Mucostepa dhe Z. Marek Kłoczko.

Aktiviteti u shoqërua me takime B2B me qëllim krijimin e një rrjeti të bizneseve, zgjerimin e kontakteve dhe shqyrtimin e mundësive për partneritet. Eventin e përshëndetën me fjalën e tyre Kryeministri i Shqipërisë Z.Edi Rama dhe Kryeministrja e Polonisë Znj. Beata Szydlo.

Nënshkrimi i marrëveshjeve të bashkëpunimit ndërmjet përfaqësuesve të AIDAs dhe përfaqësuesve të PAIIZ (Agjencisë Polake të Nxitjes së Investimeve) si dhe mes Bashkimit të Dhomave të Tregtisë dhe Industrisë Polake dhe Shqiptare, ishte një hap drejt thellimit të bashkëpunimit ekonomik dhe tregtar mes dy vendeve tona dhe një konfirmim i vullnetit të mirë mes palëve.

 

burimi: aida.gov.al

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0