Mastercard do të përdorë fotot "selfie" për pagesat online - Business Magazine Albania

Mastercard do të përdorë fotot “selfie” për pagesat online


Fotot “selfie” do të jenë një mjet mjaft i vlefshëm për t’u mbrojtur nga mashtrimi i kartave të kreditit.

Mastercard ka publikuar javën e kaluar se përdoruesit e saj mund të përdorin një foto të fytyrës së tyre ose shenjat e gishtave për t’u identifikuar kur bëjnë blerje online nga celulari i tyre.

Pas testimeve të suksesshme  vjeshtën e vitit të kaluar, kjo risi mund të vihet në përdorim nga bankat e mëdha në SH.B.A, Kanada, Britani e Madhe dhe disa shtete të tjera Europiane. Ky aplikacion i ri është zhvilluar nga kompania Mastercard për të ulur numrin e madh të vjedhjeve të identitetit dhe kartave të kreditit.

Ky aplikacion do të përdorë të dhëna biometrike të marra nga foto dhe shenjat e gishtave çdo herë kur përdoruesit do të blenë online. Gjithashtu Mastercard po shikon mundësine e monitorimit të rrahjeve të zemrës dhe skanimit të syrit për të verifikuar identitetin.

Me rritjen e numrit të vjedhjeve të kartave të kreditit, kompanitë po shohin për mundësi të reja për të verifikuar identitetin përveç kodeve të thjeshta ose numrave PIN.

Disa ditë më parë, banka Britanike HSBC, i lejon klientët e saj të verifikohen nëpërmjet zërit dhe shenjave të gishtërinjve.

Shumica e kompanive të kartave të kreditit, ka vendosur të gjenerojë kode unike për çdo transaksion në mënyrë që ta ulin mundësinë e mashtrimit.

/Mashable/

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0