Mbajtja e maskës do të jetë e detyrueshme për t’u mbajtur në çdo ambjent të mbyllur dhe të hapur edhe në Shqipëri, duke filluar nga dita e enjte, javën e ardhshme.
Lajmin e bëri me dije kryeministri Rama në një konferencë të përbashkët për shtyp me ministren e Shëndetësisë, OgertaManastirliu.
“Nga java e ardhshme maska e detyrueshme kudo, përveç shtëpisë dhe restorantit apo barit ku je ulur në tavolinë, për të konsumuar diçka”. Maska e detyrueshme në çdo mjedis, çdo rrugë, hapësirë publike. Ai shtoi se qytetarët që do e shkelin këtë detyrim do të paguajnë gjobën në faturën e dritave. Kjo masë do të mbikqyret nga policia e shtetit dhe policia bashkiake.
“Situata në vend është larg së qeni situatë që mund të qëndrojmë pa u shqetësuar. Na duhet së bashku të parandalpojmë një karantinë të përgjithshme të dytë”, u shpreh kreu i qeverisë.
Sipas Ramës ky vendim merret që të mos mbyllet më vendi, shkollat, dyqanet dhe institucionet me pasoja ekonomike.
“Situata në Europë e më gjerë ka filluar të bëhet shqetësuese. Ishte diçka e parashikuar që me ardhjen e vjeshtës numrat do të rriteshin, por nëse në disa vende po rikthehen masa shtrënguese dhe kërcënimi i një karantine të përgjithshme, ajo që ne duhet të të parandojmë me çdo kusht është një karantinë e përgjithshme, pasi do të ishte tejet e vështirë për vendin, ekonominë e shumë familjeve dhe për shtetin”, tha kryeministri Rama.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English