Marrëzi dhe djallëzore: Bill Gates flet për herë të parë për akuzat ndaj tij

Bill Gates, bashkëthemeluesi i kompanisë Microsoft që më vonë u kthye në një filantrop thotë se është befasuar nga numri i teorive konspirative të shpërndara në rrjete sociale gjatë pandemisë COVID-19 duke i quajtur “marrëzi” dhe “djallëzore”. Në një intervistë për agjencinë e lajmeve Reuters, Gates thotë se dëshiron të hulumtojë se çfarë qëndron pas tyre.

Filantropi thotë se miliona postime në internet me teori të çmendura konspirative kundër tij dhe ekspertit kryesor të sëmundjeve infektive në SHBA, Anthony Fauci, vijnë si pasojë e një përzierje të një pandemie të frikshme virale dhe rritjes së rrjeteve sociale.

“Askush nuk do të parashikonte se unë dhe Dr. Fauci do të ishim figura kryesore të teorive djallëzore që thonë se ne kemi krijuar pandeminë ose se po mundohemi të përfitojmë nga ajo. Jam i befasuar dhe shpresoj të marrë fund”, – thotë Gates.

Bill Gates, miliarderi që u largua nga posti i drejtuesit të korporatës Microsoft më 2014, për t’u marrë me fondacionin e tij bamirës “Bill dhe Melinda Gates” ka dhuruar të paktën 1.75 miliardë dollarë në përgjigjen globale kundër COVID-19, për të mbështetur prodhuesit e vaksinave, diagnostikimin dhe trajtime të mundshme të koronavirusit. Që para një viti kur filloi pandemia, miliona teori konspirative janë shpërndarë në internet rreth koronavirusit, origjinën e tij dhe motivin e atyre që punojnë për ta luftuar atë.

LEXO: Gjykata peruane nxjerr rezolutë: Covid-19 u krijua nga Soros, Rockefeller dhe Gates

“Për këtë gjë duhet të kuptojmë se si ndikojnë këto teori në sjelljet e njerëzve dhe si mund të zvogëlojmë këtë ndikim”, – shton Gates.

Bill Gates gjithashtu u shpreh kundër “nacionalizmit të vaksinave”. Ai tha se kjo është një qasje e gabuar ndaj pandemisë, veprim që do ta bëjë më të vështirë luftën, dhe më larg fitoren.

“Pandemitë i përkasin normales së re, ashtu si bota dridhet nga tërmetet, tornadot, ne kemi ndryshime klimatike,” tha ai. Gates dënoi mungesën e komunikimit të qartë mbi rreziqet e sëmundjes.

“Është e tmerrshme që ne ende duhet t’u lutemi njerëzve për të bërë sakrifica në mënyrë që të shpëtojmë jetë. Ne duhet të mësojmë nga ato çfarë ka ndodhur.” Ai paralajmëroi se pandemia tjetër mund të jetë dhjetë herë më e keqe se kjo, por që ne nuk jemi të përgatitur. Duke pranuar se njerëzit ishin të lodhur nga virusi, Gates tha se do të duhet ende kohë që jeta të kthehej në normalitetin para pandemisë. Mungesa e bashkëpunimit midis vendeve, sipas tij, ishte një shans i humbur për të arritur te fitorja. “Asnjë vend nuk mund të qëndrojë i vetëm në luftën kundër pandemisë,” tha ai.

Ekzistojnë teori që thonë se Dr. Fauci dhe zoti Gates krijuan pandeminë për të kontrolluar njerëzit, se ata duan të përfitojnë nga përhapja e virusit dhe se përmes vaksinimit do të injektojnë mikroprocesorë për gjurmimin e njerëzve. Gates i cili sot botoi letrën e tij vjetore me përparësitë dhe parashikimet për këtë vit, thotë se beson se banorët në vendet e zhvilluara do të shohin fundin e pandemisë dhe rikthimin në jetën normale në fund të këtij viti, në se 70-80% e banorëve do të vaksinohen.

REUTERS

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0