Gjykata peruane nxjerr rezolutë: Covid-19 u krijua nga Soros, Rockefeller dhe Gates

Koronavirusi ka lënë shteg për lloj-lloj teorish konspirative: si dhe kush e krijoi virusin, ka nga ata që nuk e pranojnë ekzistencën e virusit, të tjerë që janë kundër vaksinës. Teoritë e konspiracionit në lidhje me origjinën e COVID-19 kanë kapërcyer planin e opinionit , deri në atë pikë sa një gjykatë peruane ka shkuar më tej, duke publikuar një rezolutë ku thuhet se Covid-19 është një shpikje e “elitave kriminale botërore”, që përbëhet nga miliarderët George Soros, familja Rockefeller dhe Bill Gates.

Gjykata e Lartë e Drejtësisë në Ica shprehet se pandemia ishte “e paparashikueshme” për të gjithë, përveçse për krijuesit e saj, “që po e drejtojnë dhe po japin udhëzime nëpërmjet korporatave të tyre botërore”. “Asnjë qeveri, person fizik apo juridik, nuk e parashikon dot pandeminë, përveç krijuesve të rendit të ri botëror, si Bill Gates, Soros, Rockefeller etj.”, lexohet në rezolutën e gjykatës, të publikuar në portalin “LP Derecho”.

LEXO: Teoritë e konspiracionit dhe keqinformimi rreth vaksinave

Sipas dokumentit që këta gjyqtarë e bënë publik, biznesmeni dhe bashkëthemeluesi i Microsoft, Bill Gates, miliarderi George Soros ose familja Rockefeller qëndrojnë pas një pandemie të parashikueshme dhe të orkestruar. Pas publikimit të rezolutës, ka nisur një hetim paraprak për magjistratët që e firmosën atë. ‘’Ne kemi urdhëruar një hetim paraprak ndaj Kryeprokurorëve të Dhomës së Apelit Penal Chincha dhe Pisco për të marrë prova që do të ndihmojnë në përcaktimin e pranisë ose mungesës së pretendimeve të shkeljeve”, tha Gjykata Supreme e Ica në një mesazh të botuar në faqen e saj në Facebook, citon “Sputnik”.

AS

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale