Marketeri i Microsoft, Jason Miller është folësi i fundit i Spark.me 2019


Jason Miller, Drejtuesi i Marketingut në Microsoft EMEA dhe ish Kreu i Përmbajtjes dhe Marketimit Social për Shitjet dhe Zgjidhjet e Marketingut pranë LinkedIn, është folësi i fundit që do të jetë i pranishëm gjatë konferencës Spark.me.

Jason është i fokusuar në ndërtimin e brandit të Microsoft si dhe kërkimit në marketing dhe inteligjencë artificiale për marketerët. Ai kaloi gjashtë vjet duke krijuar motorin e përmbajtjes dhe kërkesës që do të rriste globalisht LinkedIn Marketing Solutions për t’u bërë shumë shpejt një biznes me vlerë 700 milionë dollarë. Jason është arkitekti pas franchise-it të LinkedIn “Sophisticated Marketer”, fushata më e suksesshme në historinë e Marketing Solutions. Ai rrëmbeu dhe çmimin për fushatën më të mirë të përmbajtjes në Content Marketing Award 2018.

Jason është profesor për strategjinë e marketingut në Universitetin e Kalifornisë, Berkeley, autor bestseller i “Welcome to the Funnel: Proven Tactics to Turn Your Social Media and Content Marketing up to 11” dhe finalist në vitin 2018 për çmimin Marketeri i Vitit për Përmbajtjen.

Kliko këtu për t’u njohur me të gjithë folësit e Spark.me 2019: https://bit.ly/2WZPMSK

Spark.me, një nga konferencat më të kuruara të biznesit/internetit në Europën Juglindore, do të mbahet në datat 25-26 Maj, 2019, në Porto Montenegro Auditorium, në qytetin e Tivarit, zemra e industrisë së turizmit bregdetar të Malit të Zi. Ky është viti i parë që Spark.me do të mbahet në Portin e Malit të Zi, në portin kryesor të lundrimit të Mesdheut dhe të përdorë një nga auditorët më të mëdhenj dhe më të mrekullueshëm të Malit të Zi.

Biletat e Spark.me janë në dispozicion në faqen zyrtare të konferencës www.spark.meÇmimi i plotë i biletës është 300 €.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale