Markat drejt implementimit të marketingut brenda kompanisë. Ja pse Reebok është kundër këtij trendi - Business Magazine Albania

Markat drejt implementimit të marketingut brenda kompanisë. Ja pse Reebok është kundër këtij trendi


Një numër gjithnjë e më i madh i markave po zgjedhin ta bëjnë vetë marketingun e tyre, një burim ky shqetësimi për agjencitë tradicionale. “Association of National Advertisers” zbuloi se 78% e markave të anketuara në një studim kishin forma të ndryshme marketingu që i implementonin vetë brenda agjencisë së tyre.

Verizon, JPMorgan Chase dhe Chobani janë ndër marketerët që po e nxisin këtë trend, i cili është motivuar nga një dëshirë për më shumë kontroll, transparencë dhe shkurtim të kostove.

Lexoni: Reklama e Reebok: Nëse vrapon shpejt sa duhet, fiton një palë atlete FALAS

Por nga ana tjetër Reebok është një marketer që po e kundërshton këtë trend.

Meqë është një kompani globale, Reebok mbështetet në agjencitë e jashtme për të siguruar që mesazhi i tij është i qëndrueshëm në të gjithë tregjet, tha Melanie Boulden, VP e marketingut pranë Reebok.

Ndërsa kompania e atleteve ka grupe të vogla PR, kreative dhe të medias brenda kompanisë, ajo lejon që agjenci të jashtme të merren me fushatat e mëdha globale.

“Ndërsa unë kam një ekip ekspertësh, të cilët janë të përgatitur për produktin dhe marketingun, është e rëndësishme që të kemi partnerë të jashtëm në tregje të ndryshme, pasi janë më të përditësuar me teknologjitë dhe trendet më të fundit, duke qenë se marketingu dixhital zhvillohet çdo ditë dhe ne duam të sigurohemi që jemi një organizatë moderne në marketing,” vazhdoi Boulden.

Për shumicën e marketerëve, marketingu brenda kompanisë, nuk është një vendim gjithçka ose asgjë. Në të vërtetë, anketa e ANA gjithashtu zbuloi se 90% e të anketuarve ende përdorin agjencitë në një mënyrë apo një tjetër.

Reebok kohët e fundit hoqi një reklamë nga mediat online pasi u kritikua në lidhje me të. Madje një drejtor marketingu i Reebok dha dorëheqjen.

Boulden tha se aksidenti nuk ishte i lidhur me qasjen e agjencisë së kompanisë, por ishte i lidhur me një “dështim në procesin e realizimit”.

Lexoni: Çfarë fshihet pas emrit të këtyre markave?

“Ishte krijimi i saj dhe mënyra se si u mor përmes sistemit,” tha ajo. “Nuk është krijuar e as nuk nënkupton diçka në mënyrë të papërshtatshme. Ne jemi një organizatë e madhe dhe tregje të ndryshme kanë disa autonomi për të bërë një punë të caktuar që lidhet me botën e tyre. Gjëja më e rëndësishme është të mësosh prej saj dhe të sigurohesh që je duke vendosur procedurat e duhura, kontrollet dhe balancat në vend, për të shmangur që diçka si kjo të ndodhë përsëri.”

burimi: BusinessInsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0