Marka e atleteve është mjaft e apasionuar pas sfidave apo konkurseve të vrapimit ndaj dhe reklamat e tyre janë plot kreativitet për ti bërë këto sfida sa më reale.
Më parë ka qenë marka Asics e cila në reklamat outdoor të saj ka sfiduar njerëzit për të garuar kundër një imazhi dixhital të vrapuesit Ryan Hall. Ndërsa tani është Reebok që po sjell argëtimin.
Pak javë më parë në Stokholm, kjo markë implementoi një reklamë outdoor ku vendosën Brenda saj një kamera dhe një teknologji matëse të ritmit të kalimtarëve.
Cilido që vraponte pranë reklamës më shpejt se 17 kilometra në orë, bënte të mundur shkyçjen e një palë atletesh të reja ZPump 2.0.
Mund të shikoni videon mëposhtë:
Vetë njerëzit nuk e kanë idenë se çfarë është shpejtësia 17 km në orë, por është një ‘hile’ e përsosur për të vënë në lëvizje një turmë të madhe me njerëz.
“Na josh ideja për ta kthyer një billboard klasike në një diçka inovative dhe unike,” thotë Markus Schramm, drejtor krijues i agjencisë së reklamave Animal, e cila ideoi projektin në fjalë.
“Kjo i jep klientëve një përvojë të çastit, dhe ne si markë jemi në gjendje të sigurojmë diçka vërtet me vlerë.”
“Për ne tek Reebok, është e rëndësishme për ti bërë gjërat realisht dhe aktualisht të aktivizojmë target grupin tonë,” – shton Filip Lagerback, menaxher i PR-it të Reebok Nordic.
“Ne duam të frymëzojmë njerëzit të vrapojnë dhe përtej limiteve të tyre, edhe kur nuk janë në palestër. Kjo përbën edhe thelbin e sloganit tonë ‘Be More Human’ .
/Adweek/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
