LUKS I GARANTUAR: JLR NJOFTON GARANCINË PESËVJEÇARE PËR TË GJITHA MODELET E REJA RANGE ROVER, DEFENDER DHE DISCOVERY - Business Magazine Albania

LUKS I GARANTUAR: JLR NJOFTON GARANCINË PESËVJEÇARE PËR TË GJITHA MODELET E REJA RANGE ROVER, DEFENDER DHE DISCOVERY

  • Duke filluar nga 1 shtatori, premtimi i garancisë për markat Range Rover, Defender dhe Discovery shtyhet nga tre në pesë vjet ose 150,000 kilometra, cilado arrihet e para
  • Të gjitha modelet Range Rover, Defender dhe Discovery janë të mbuluara, duke përfshirë modelet pjesërisht hibride dhe ato hibride elektrike me karikim me prizë
  • Iniciativa vlen për të gjitha modelet në mbarë Evropën dhe synon të optimizojë përvojën e pronësisë për klientët, duke i sjellë markat në standardin e Jaguar
  • Falë iniciativës, nga 1 shtatori pronarët do të përfitojnë nga pesë vitet e lidhjes me InControl Remote

Duke filluar nga 1 Shtatori 2023 – Një garanci pesëvjeçare e prodhuesit për të gjitha modelet e reja Range Rover, Defender dhe Discovery. Iniciativa do t’u ofrojë klientëve siguri të shtuar dhe qetësi mendore kur të zgjedhin një automjet nga markat luksoze të JLR-së.

Premtimi për garancinë e re vlen për të gjitha modelet në mbarë Evropën dhe shtyn garancinë ekzistuese trevjeçare për të ofruar mbrojtje deri në pesë vjet ose 150,000 kilometra, cilado arrihet e para.

Si rezultat, klientët do të jenë tërësisht të mbrojtur nga garancia dhe do të vazhdojnë të përfitojnë nga cilësia e lartë e shërbimit për një kohë më të gjatë se më parë.

Gjithashtu, klientët e Range Rover, Defender dhe Discovery do të shijojnë edhe lidhjen me InControl Remote për pesë vjet ose 150,000 kilometra, gjë që ofron lehtësi të shtuar dhe organizon asistencën në rast emergjence, duke ruajtur standardin e përvojave të markave luksoze moderne që JLR-ja synon të ofrojë.

Garancitë trevjeçare janë standarde në industrinë e automjeteve, kështu që prezantimi i politikës pesëvjeçare garanton se Range Rover, Defender dhe Discovery po shkojnë përtej saj për klientët e tyre. Që nga 1 shtatori 2023, të gjitha modelet e secilës markë do të mbulohen nga garancia e re pesëvjeçare, duke përfshirë modelet pjesërisht hibride dhe ato hibride elektrike me karikim me prizë.

Garancitë e reja nënkuptojnë se klientët e “shtëpisë” së markave JLR do të gëzojnë të njëjtin nivel mbrojtjeje, ashtu sikurse kanë përfituar modelet e Jaguar nga garancia pesëvjeçare që prej 1 korrikut 2022.

Shtyrja e premtimit ekzistues synon të përmirësojë përvojën e shërbimit për klientët dhe pronarët gjatë periudhës së mbulimit, duke lejuar njëkohësisht përdoruesit privatë dhe operatorët tregtarë të llogarisin në mënyrë transparente kostot operative dhe të mirëmbajtjes për një periudhë më të gjatë.

Garancia e re pesëvjeçare do të përmirësojë përvojën e pronësisë dhe premton ndikim pozitiv te vlerat e mbetura të modeleve Range Rover, Defender dhe Discovery. Nga ana tjetër, kjo do të sjellë përfitime gjatë marketingut të modeleve të përdorura. Në planin afatgjatë, vlerat e larta të mbetura ulin koston e pronësisë duke nxitur terma më konkurrues qiraje dhe financimi.

Aksesi i shtuar për lidhje me InControl Remote do të jetë i disponueshëm nga 1 shtatori për të gjitha modelet e regjistruara së fundmi. Falë tij, përdoruesit mund të ndërveprojnë me automjetin e tyre pa vështirësi dhe në mënyrë intuitive, madje edhe për distanca të gjata. Aplikacioni në telefonin inteligjent mund të përdoret për të kontrolluar nivelin e mbetur të karburantit dhe gjendjen e karikimit, si dhe për të parë nëse dyert dhe dritaret janë të mbyllura apo të hapura. InControl Remote optimizon edhe asistencën në rrugë dhe dërgon automatikisht një thirrje emergjence në rast nevoje.

Garancia e re pesëvjeçare e JLR do të zbatohet në të gjitha tregjet evropiane që nga 1 shtatori, duke rritur në këtë mënyrë cilësinë e shërbimit në të gjithë kontinentin.

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0