Lufta për nikelin: ‘Po shkatërrojnë të ardhmen tonë’

Gëzimi fillestar për gjetjen nikelin në Indonezi po venitet, ndërsa kjo gjetje po kërcënon mënyrën tradicionale të jetesës së popullit Bajau, i cili është populli autonom në ato troje. Si prodhuesi më i madh i niklit në botë, Indonezia pritet të plotësojë dy të tretat e kërkesave globale për këtë metal, të cilat janë rritur për të bërë kalimin në zhvillimin e mjeteve elektrike dhe baterive të riciklueshme.

Megjithatë, operacionet minerare pë nikelin kanë pasoja të tmerrshme për mjedisin, duke përfshirë shkatërrimin e pyjeve, erozionin dhe ndotjen e ujrave. Konservacionistët paralajmërojnë se mbetjet nga minierat e niklit, duke përfshirë kimikate toksike, po shkaktojnë dëme në det, duke prekur jetën detare dhe rifetë.

Lexo:Revista amerikane jehonë agroturizmit shqiptar, Krifca: Njerëzit punëtorë krijojnë ekonomi duke inovuar në ferma

Ndërsa disa banorë e shohin përfitimin nga minierat, duke përfshirë rritjen e çmimeve të peshkut dhe pagesat e kompensimit, konservacionistët kërkojnë standarde më të forta mjedisore dhe rregulla më të rrepta për të adresuar impaktin negativ të aktiviteteve minerare.

Qeveria indoneziane pranon shqetësimet rreth ndikimit të minierave bregdet, por atribuon ndotjen minierave ilegale në vend të kompanive me leje. Ata pretendojnë se operatorët me leje kanë sisteme menaxhimi të ujit në vend për të parandaluar hyrjen e substancave të rrezikshme në det.

Megjithatë, konservacionistët argumentojnë se zbatimi dhe mbikëqyrja duhet të përmirësohen, pasi minierat ilegale mbeten të shpërndara. Qeveria ka krijuar një forcë puntore kombëtare kundër minierave ilegale për të adresuar çështjen, por komunitetet autoktone frikësohen se po i shkaktohet dëm i pakthyeshëm të ardhmes së tyre. Thirrjet për praktika të qëndrueshme minerare dhe rregulla më të forta mjedisore vazhdojnë të bëhen nga aktivistët dhe organizatat që promovojnë zhvillimin e qëndrueshëm.

BBC