Çmimet e karburantit për avionë janë më shumë se dyfishuar javët e fundit për shkak të luftës në Iran. Linjat ajrore kanë reaguar duke rritur çmimet e biletave dhe duke vendosur tarifë shtesë të përkohshme, duke lënë turistët të pyesin: a duhet të rezervojnë tani apo të presin?
Turistët që planifikojnë pushimet verore përballen me një vendim të vështirë pasi ngërçi në furnizimin global të naftës kanë rritur çmimet e karburantit, duke çuar në rritje të kostove të fluturimeve që kalojnë tek pasagjerët. Sipas Monitorit të fundit të Shoqatës Ndërkombëtare të Transportit Ajror (IATA), çmimi mesatar global i karburantit për avionë ishte 195.19 dollarë për fuçi javën e kaluar, ende mbi dyfishin e nivelit të fundit të shkurtit.
Në SHBA, indeksi Argus US Jet Fuel arriti mbi 4.60 dollarë për galon, nga rreth 2.50 dollarë para fillimit të konfliktit. Edhe nëse lufta në Iran ndalet ose lehtësohet afatshkurtër, efektet ndërprerëse në çmimet e karburantit dhe çmimet e fluturimeve pritet të vazhdojnë.
Lexo edhe: Editorial: Shqipëria… e brezit që po vjen!
Shumë linja ajrore kanë bërë ndryshime të menjëhershme në fluturime: United Airlines ka ulur 5% të fluturimeve të planifikuara, SAS anullon mbi 1000 fluturime, Air New Zealand ka anuluar rreth 1100 shërbime deri në fillim të majit. Çmimet janë rritur në të gjitha rrugët nga Cathay Pacific, Thai Airways, AirAsia dhe Qantas. Linjat me programe mbrojtëse, si Lufthansa dhe Ryanair, kanë mundur të kufizojnë rrezikun duke mbyllur çmimet më herët.
Ekspertët e aviacionit, theksojnë se çmimet e larta dhe shpërndarja logjistike e karburantit ndikojnë drejtpërdrejt në destinacionet dhe frekuencën e fluturimeve, veçanërisht për rrugët e shkurtra ose ato turistike. Agjencitë e udhëtimit raportojnë klientë po zgjedhin destinacione më afër dhe opsione fleksibël për të shmangur rrezikun e rritjes së çmimeve.
Tabloja mbetet e paqartë, rezervimi i hershëm me opsione të rimbursueshme mund të ofrojë siguri, ndërsa të tjerët preferojnë të monitorojnë zhvillimet dhe të vendosin alarme çmimesh.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
