A keni një marrëdhënie dashuri-urrejtje me Zoom? Ka ardhur koha ta pranoni dhe të vazhdoni përpara. Aksidenti i Zoom ishte ajo çfarë interneti kishte pritur. Një avokat i Teksasit, përkohësisht i hutuar nga një filtër që nuk ishte në gjendje ta hiqte, u shfaq në ekran për seancën e tij gjyqësore si një kotele e padëshirueshme që fliste. Dhe masat, të ndeshur me marrëdhënien e tyre të dashurisë dhe urrejtjes me thirrjet e Zoom pas një viti pune nga shtëpia, nuk mund të ngopeshin me të. Edhe gjykatësi i çështjes shkroi në Twitter në lidhje me të.
Në kohët e mëparshme, thirrjet me video ishin një risi për shumë puntorë amerikanë, një dukuri e rrallë që mund të hasnit nëse, për shembull, ekipet ndër-vendase nuk mund të mblidheshin së bashku për një prezantim. Kushtohej shumë pak vëmendje për sfondin ose ndriçimin dhe sigurisht i gjithë krijimi juaj nuk mund të bëhej kritikë në internet.
Tashmë një vit që prej tranzicionit të botës së punës në distancë, më shumë se 40 përqind e amerikanëve po punojnë nga shtëpia dhe ja si kanë ndryshuar kohët. Nëse ndiheni sikur keni jetuar këto pesë faza të pikëllimit të Zoom, nuk jeni vetëm:
Mohimi: Po, sigurisht, ndihem mirë me një telefonatë në Zoom tani (kyç veten në tualet).
Zemërimi: Jo, nuk do e ndez kamerën time sot, faleminderit shumë.
Bisedimet: A mund ta bëjmë këtë përmes postës elektronike?
Depresioni: Ç’kuptim ka të shohim njëri-tjetrin?
Pranimi: Le ta bëjmë! (pa përmendur fëmijë duke qarë, qenin që leh dhe shumë rroba të pista në sfond).
Lexoni: Aplikacionet e Google, Gmail dhe Youtube janë jashtë funksionit
Sipas të gjitha gjasave, Zoom është këtu për të qëndruar edhe nëse përfundojmë duke e përdorur më rrallë se tani. Pra, nëse nuk keni bërë ende paqe me realitetin e thirrjeve me video në jetën tuaj të punës, tani është koha. Keni nevojë për ndihmë? Ne kemi përmbledhur disa nga këshillat më të mira që kemi mësuar nga viti 2020 në lidhje me bërjen e telefonatave në Zoom më pak stresuese, më efektive dhe ç’është më e rëndësishmja, më pak e pranishme në punën në distancë.
- Më pak do të thotë më shumë.
Lodhja që ndjeni pas një dite plot me telefonata me video nuk ndodh vetëm te ju. Pavarësisht se nuk duhet të shkoni askund për një telefonatë Zoom, ajo kërkon më shumë energji ndërsa përpiqeni të analizoni informacionin që po dëgjoni së bashku me disa sugjerime vizuale që mund të merrni nga shikimi i kolegëve tuaj në ekrane të vogla. Në të njëjtën kohë, ju mund të jeni duke menaxhuar fëmijë, kafshë shtëpiake ose shpërqendrime të tjera në sfond.
Kjo është arsyeja pse ju nuk duhet të imitoni automatikisht rutinat tuaja të takimeve personale me thirrje video, thotë Jason Fried, themelues i kompanisë së softuerit me bazë në Çikago, Basecamp, autor i Remote: Office Not Required (Vermill, 2013), dhe kampion i punës në distancë. “Nëse keni më shumë kohë për vete, do të jeni më produktivë”,- tha Fried në një event të fundit të transmetuar në Inc. Është gabim të supozohet se kontrollet e shpeshta me video janë ato që duhen për t’i bërë njerëzit të ndihen të lidhur dhe produktivë. Këto thirrje mund, në fakt, të kërkojnë shumë më tepër planifikim dhe stres nga ana e të pranishmëve sesa mendoni. Vëreni sa shpesh po u kërkoni punonjësve dhe kolegëve tuaj që të jenë në kamer dhe merrni parasysh nëse është mënyra më e mirë për të komunikuar.
Këshillë pro: Rishikoni telefonatat modeste ose memon e mirëmenduar që kërkon përgjigje, ato mund të jenë më efektive dhe më pak lodhëse për të gjithë. Dhe nëse vërtet duhet një thirrje në Zoom, jepuni të pranishmëve sa më shumë njoftime të jetë e mundur.
- Krijoni një vend të dedikuar.
Një mënyrë tjetër për të bërë thirrjet me video më pak të lodhshme është të kuptoni mekanikën e konfigurimit të Zoom-it tuaj një herë dhe më pas nëse është e mundur, ta lini të instaluar në mënyrë që të mos shqetësoheni për këtë sa herë që futeni. Asnjë nga këto nuk ka përse të jetë e shtrenjtë ose të marrë shumë kohë. Elementet më të rëndësishme janë një burim i mirë drite para jush (unazat e dritës së lëvizshme kushtojnë rreth 30 dollarë), një aparat fotografik i pozicionuar mirë (rreth e rrotull vijës tuaj të flokëve) dhe tingull i fortë (kufjet me tela me mikrofon do të bëjnë punë më së miri).
Këshillë pro: Në versionin desktop të Zoom, përdorni funksionin e touch-up-my-appearance në cilësimet e videos. Nuk është perfekte por do të zbutë pamjen e lëkurës tuaj.
- Mbani përgjegjësitë tuaja si mikpritës.
Në të njëjtën mënyrë që të qenit në kamera kërkon më shumë energji të pjesëmarrësve tuaj, mbajtja e një takimi me kamera kërkon prej jush të mbani njerëzit të angazhuar. Përtej bazave të mënyrës se si do ta drejtoni prezantimin, si fillimi dhe ndalimi në kohë dhe mbajtja e një axhende të përqendruar, mendoni se çfarë do të përmbajë saktësisht prezantimi. Nëse e keni përcaktuar që videoja është e nevojshme, atëherë mendoni se si do të bëni hapjen dhe si do ta mbyllni sepse këto janë të dy momentet thelbësore ku mund të humbni vëmendjen e pjesëmarrësve tuaj.
Këshillë pro: Filloni me veprim. Kjo mund të marrë formën e parashtrimit të një pyetjeje provokuese për të gjithë ose duke kërkuar që ata të ndajnë suksese të vogla. Po kështu, në fund të thirrjes, rishikoni çdo detyrë të nevojshme vijuese.
- Ndaloni së shikuari veten.
Ne të gjithë e bëjmë këtë: Kur kamera është e ndezur, ne priremi të shohim kryesisht fytyrat tona. Para fillimit të takimit, shiko paraprakisht konfigurimin e videos. Pastaj hiqni dorë nga shpërqendrimi shtesë dhe përqendrohuni më shumë në ato që thonë kolegët tuaj, duke fshehur videon tuaj nga pamja juaj.
Këshillë pro: Nëse akoma e gjeni veten duke u shpërqëndruar, përvetësoni disa zakone aktive të dëgjimit: Gjeni më parë se çfarë vlere mund t’i shtoni diskutimit, përsëritni atë që sapo keni dëgjuar para se të flisni për të forcuar mirëkuptimin tuaj dhe mbani shënime për të mbajtur mendjen mbi temën në fjalë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
