LiveME Show & Podcast nga Kristi Kumria nis sezonin e dytë

LiveME Show & Podcast nga Kristi Kumria nis sezonin e dytë

LiveME

A e mbani mend LiveME nga Kristi Kumria?

Lexoni: LiveME Podcast i Kristi Kumria, pjesë e platformës së Business Magazine

Aty ku sipërmarrës të suksesshëm ndanin me audiencën, historitë dhe eksperiencën e tyre, duke motivuar të gjithë ata që e ndiqnin. LiveME iu bashkua platformës së Business Magazine Albania në maj të këtij viti dhe pas suksesit të sezonit të parë, u rikthye sezoni i dytë për të gjithë ju.

Gjatë sezonit të parë u xhiruan 1100 minuta me 22 të ftuar nga fusha të ndryshme. U realizuan 22 episode nga të cilat 6 erdhën në formën e podcast-eve gjatë muajve të verës. U arrit një audiencë prej 26,000 shikuesish dhe dëgjuesish, episodet u pëlqyen 1300 herë dhe podcastet u shkarkuan 120 herë brenda një muaji.

Shiko LiveME në Youtube

“Këto shifra ndoshta nuk janë shumë të mëdha, por janë të mjaftueshme që unë ta quaj një sukses, duke ditur shumë mirë se si nisi LiveME dhe në çfarë kushtesh u zhvillua. Falenderoj të gjithë ata që më ndihmuan ta bëja realitet LiveME, Business Mag Albania që besoi dhe më mbështeti në këtë iniciativë dhe sigurisht falenderoj të gjithë ata që më kanë ndjekur gjatë kësaj kohe, janë vlera më e madhe e LiveME, për të cilët punojmë fort”,- thotë Kristi, themelues dhe drejtues i LiveME, ndërsa thekson se këtë sezon LiveME do të quhet LiveME Show & Podcast.

“Do e quajmë kështu, sepse realisht LiveME i tillë është. Të gjithë presim shumë nga LiveME; edhe unë pres shumë më shumë nga vetja. Nuk ka rëndësi se si e nisëm apo se si e vazhduam, rëndësi për mua ka që ky produkt pëlqehet vazhdimisht dhe unë dua të shoh gjithmonë se ku duam të arrijmë. Unë besoj te LiveME, besoj te impakti që LiveME ka dhe jam i bindur te suksesi i LiveME!”

LiveME startoi me episodin e parë live në Instagram, më 9 prill 2020 në kushte të reja dhe të pazakonta, kur COVID-19 kishte vetëm disa javë, që kishte mbërritur në Shqipëri. Njerëzit ishin të interesuar të ndiqnin diçka të tillë që mund ta kishin parë të zhvillohej vetëm jashtë Shqipërisë. LiveME eshtë një format risi dhe i veçantë për audiencën shqiptare. Ai sjell një frymë ndryshe nga ç’keni parë dhe synon të jetë një burim mësimi dhe frymëzimi për të gjithë me shembujt që do promovojë.

Dëgjoni këtu podcastet nga LiveME

“Ne kemi nevojë të dëgjojmë histori dhe modele të vërteta suksesi nga Shqipëria, duam të dëgjojmë ata persona që nuk i shohim shpesh në rrugë apo televizor, por që i kemi shumë pranë nesh me produktet dhe shërbimet që kanë krijuar për ne, kemi nevojë të dëgjojmë të rinj që ia dalin vetë, na nevojiten njerëz që përcjellin vlera te të gjithë dhe që vazhdimisht përmirësojnë jetën e tyre dhe tonën në mënyra të ndryshme,- thotë Kristi.

Për ne është kënaqësi të mbështesim projekte të tilla, të iniciuara nga të rinjtë dhe ne besojmë te vizioni i tyre. Ne ftojmë edhe investitorë të tjerë të besojnë dhe të mbështesin LiveME, për ta bërë atë një burim informacioni dhe frymëzimi për të gjithë. LiveME i duhet të rinjve shqipëtarë dhe shoqërisë shqiptare në përgjithësi.

Ju ftojmë të gjithëve ta ndiqni LiveME në këtë sezon të dytë nga mediat sociale të Business Magazine Albania! Bëhuni pjesë e kësaj iniciative që është e dedikuar për ju!

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0