LinkedIn: Firmat e financave, teknologjisë dhe mallrave të konsumit po rekrutojnë punonjës - Business Magazine Albania

LinkedIn: Firmat e financave, teknologjisë dhe mallrave të konsumit po rekrutojnë punonjës

Koronavirusi po trondit tregjet e punës në botë, por pamja nuk është e gjitha e zymtë. Firmat e financave, teknologjisë dhe mallrave të konsumit po punësojnë me dhjetëra mijëra punonjës të rinj në ShBA dhe në vende të tjera sipas të dhënave nga LinkedIn.

Në shtatë vende të ndryshme në Amerikën e Veriut, Evropë dhe Azi, rekrutuesit e punonjësve të sistemit shëndetësor janë ndërmë të zënët, duke pasur parasysh betejën e vazhdueshme kundër koronavirusit, që ka vrarë më shumë se 300,000 njerëz e ka infektuar më shumë se 5 milionë njerëz në tërë botën, shpjegon LinkedIn. Por ndryshimet në stilin e jetës që kanë ardhur si rezultat i pandemisë kanë nxitur kërkesën për konsultues financiarë, punonjës të fabrikave, animatorë, dizenjues lojërash dhe punonjës delivery.

Përgjithësi, niveli i punësimit ka rënë në tremujorin e parë krahasuar me vitin e kaluar në shumicën e vendeve të anketuara nga platforma. Por të dhënat japin një dritë shprese e veçanërisht me Kinën në të cilën po vihet re një ngritje graduale e drejt normalitetit.

LinkedIn, me më shumë se 690 milionë përdorues në të gjithë botën, numëron punësim të ri kur një përdorues shton në profilin e tij një punëdhënës të ri. Raporti është numri i punësimeve të reja pjesëtuar me numrin total të përdoruesve të LinkedIn në një vend të caktuar. Shifrat e gjurmuara që prej mesit të shkurtit, nuk vërtetohen me të dhënat nga institucionet shtetërore dhe nuk paraqesin numrin aktual të punëve në një ekonomi. Shifrat qeveritare zakonisht prezantohen me një vonesë kohore prej disa javësh.

“Ne jemi konfidentë se të dhënat tona janë të drejta, sepse paraqesin trendin e ekzistencës së një rënieje të madhe të punësimit në SHBA dhe jashtë vendit”, i tha Reuters Guy Berger, ekonomisti kryesor në LinkedIn në Kaliforni.

Punësimi në Kinë ra me 50% gjatë pikut të krizës së koronavirusit gjatë mesit të shkurtit krahasuar me të njëjtën periudhë të vitit të kaluar. Por duke qenë se masat kufizuese janë lehtësuar në fillim të prillit. Punësimi në ShBA, Angli, Francë dhe Itali- vendet më të prekura nga virusi- mbetet shumë i dobët aktualisht. Por, duket se shifrat po vijnë duke u ngritur, pasi këto vende kanë kaluar pikun e pandemisë e shumë prej tyre po mendojnë për rihapjen e ekonomisë.

Pikat e shitjes me pakicë si Walmart, Instacart dhe Amazon shprehen se do të punësojnë një total prej më shumë se 700,000 punonjësish për të përballuar kërkesën e lartë që po vihet re gjatë kësaj pandemie për produktet e frutave e perimeve, e produkteve të tjera esenciale shtëpiake.

Prodhuesit e mallrave të konsumit si Unilever, produktet e së cilës përfshijnë sapun dhe shampo, konfirmoi të mërkurën se po planifikon të punësojë rreth 300 njerëz në nivel botëror. Nestle shprehet për Reuters se po kërkon të plotësojë rreth 5,000 pozicione të ndryshme në ShBA.

Fidelity Invvestments, një firmë e shërbimeve financiare me bazë në Boston, shprehet se e ka përshpejtuar procesin e rekrutimit për shkak të pandemisë e po shikon të plotësojë të paktën 2,000 pozicione pune si konsultues financiar, inxhinier informatike dhe shërbimi klienti për operacionet e saj në ShBA brenda 2020.

Kompani të tjera që kanë nisur punësimet në ShBA dhe në vende të tjera janë Apple, ByteDance (kompania mëmë e TikTok), Takeda Pharmaceutical Co Ltd dhe Lockheed Martin Corp).

Reuters

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0