Lindita Rusi, pasioni dhe puna sigurojnë sukses - Business Magazine Albania

Lindita Rusi, pasioni dhe puna sigurojnë sukses


“Nëse ke pasion dhe sukses mund t’ia dalësh”.  Kjo është motoja e Lindita Rusit, e cila biznesin e saj e ngriti para 10 vitesh duke punuar në një ambient modest në Kamëz, ndërsa sot është pronare e 3 qendrave bukurie në Tiranë me emrin  Beauty Center Linda. Falë përkushtimit dhe pasionit ia ka dalë më së miri  të krijojë një emër në  fushën e  saj në Shqipëri ku edhe konkurrenca është e madhe. Nëse deri para 10 vitesh punonte e vetme sot ka arritur të krijojë një staf prej 30 vetash.

Linda tregon për Businessmag.al se fillimi nuk ka qenë i lehtë, por falë mbështetjes së bashkëshortit dhe familjes së saj, të cilët ajo i quan “aleatët” kyç të suksesit, ka arritur të përmbushë ëndrrën e saj.

Në këto 10 vite karrierë, Linda nuk mundet të cilësojë vetëm  një vit të suksesshëm, pasi suksesin thotë ajo e ka arritur gradualisht. Shërbimet në qendrën e saj, janë të gjitha shërbimet që ofron një qendër bukurie. Për t’u ardhur më shumë në ndihmë klientëve ajo ka menduar që përveç trajtimeve, klientët të gjejnë aty edhe veshjet për ditën e tyre më të bukur të jetës.

Të bësh biznes sipas saj do të thotë të kujdesesh për klientin jo vetëm me cilësinë e shërbimit, por edhe me krijimin e të gjitha mundësive për të siguruar një çmim sa më të mirë për ta. “Për ekonominë që ka vendi ynë, klientët nevojitet të kenë një çmim sa më të favorshëm”, thotë ajo.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0