Në këto ditë të vështira ka dhënë ndihmën e tij edhe Lazim Destani, i cili i ka ardhur në ndihmë familjes së e Bedri Shkallës në Farkë, të cilës iu shemb shtëpia nga tërmeti i 26 Nëntorit. Gjashtë anëtarët e kësaj familje janë strehuar në një shtëpinë-kontenier, dhuratë nga familja e filantropit Lazim Destani, e cila ofron të gjitha kushtet për të kaluar dimrin, deri në montimin më pas të banesave të reja nga qeveria shqiptare.
Konteinerët e dhuruar nga Z.Lazim Destani dhe familja e tij, janë të ndërtuar posaçërisht për banim. Ata janë të përmasave 6×2.4 meter, me të gjitha kushtet e domosdoshme për banim, të pajisur me shtretër, kondicionerë, banjo, sistem ndriçimi, energjie dhe uji. Kjo është ndër ndihmat e radhës së filantropit Destani, pasi pa kaluar ende 24 orë nga tërmeti i 26 Nëntorit, në Durrës mbërritën tre kamionë dhe një furgon me ndihma nga familja Destani dhe kompania që drejtojnë, Ecolog International.
Lexo: Amazon sjell ndihma për të prekurit nga tërmeti në Shqipëri
Pjesë e listës së gjatë të personaliteteve shqiptare që dhanë kontributin e tyre për të prekurit nga tërmeti ishin edhe Behgjet Pacolli, i cili do të ndërtojë kompleksin e quajtur “Thumanë” pikërisht në këtë qytet. Po ashtu një ndihmë e madhe ka ardhë edhe nga shtete finjje si Turqia, Italia, Kosova e shumë të tjera.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
