Puna nga shtëpia gjatë pandemisë ka lejuar që shumë prej nesh të lirohen nga vërtitjet e përditshme dhe ecejaket shtëpi-punë-shtëpi. Tani duket se njerëzit hezitojnë të kthehen tek rutina e tyre e vjetër. Me mundësinë që puna në distancë të bëhet një realitet afatgjatë, duket premtuese për ata që janë në gjendje të udhëtojnë dhe të vendosin zyrën e tyre kudo – nga një tavolinë me pamje nga një liqen i qetë deri te këmbimi i sfondit malor të kompjuterit me një sfond alpin në jetën reale.
Puno dhe kënaqu
Tani që njerëzit mund të kenë lirinë për të punuar nga kudo që të zgjedhin, 2021 mund të sjellë një rritje të konsiderueshme të udhëtarëve që kërkojnë të bëjnë udhëtime më të gjata që ndërthurin punën dhe kënaqësinë. Më tepër se gjysma e udhëtarëve globalë (52%) thanë se do të shfrytëzonin rastin për të zgjatur udhëtimet e tyre të biznesit në mënyrë që të mund të planifikonin edhe pak kohë për t’u relaksuar. Shumë ka të ngjarë të zgjasin kohën e pushimeve të tyre me një ose dy javë në mënyrë që të punojnë në distancë.
LEXO: Kalimi nga zyrat fizike te puna nga shtëpia, avantazhi i IT
Gjërat e nevojshme që duhet të ketë akomodimi
Ndërsa puna nga shtëpitë tona ka përfitimet e saj, mbi një e treta (37%) e të intervistuarve kanë konsideruar tashmë rezervimin e një vendi për të qëndruar për me qëllim ndryshimin e ambientit të punës. Këto udhëtarë janë kryesisht në kërkim të akomodimeve që kanë pajisje për krijimin e një zyre në ambientet e shtëpisë, , Wi-Fi të shpejtë dhe, më e rëndësishmja, një pamje të bukur ose ambient të përshtatshëm me qëllim që koha e punës të ecë sa më shpejtë.
Udhëtimet e biznesit
Laptopët po bëhen nevoja më e re për udhëtimet e vitit 2021. 40% e udhëtarëve janë të gatshëm të karantinohen në destinacione të ndryshme për sa kohë mund të punojnë në distancë. Bota e udhëtimeve të biznesit do të shohë gjithashtu një kërkesë të rritur për privatësi, pastërti dhe qëndrime më të gjata.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
