Kalimi nga zyrat fizike te puna nga shtëpia, avantazhi i IT - Business Magazine Albania

Kalimi nga zyrat fizike te puna nga shtëpia, avantazhi i IT

Në kohën e izolimit, një grup i mirë biznesesh u detyruan të punojnë me orë të reduktuara, ndërkohë që zyra e tyre krejt papritur ishin muret e shtëpisë së secilit prej punonjësve. Disa procese pune, që mund të kryhen në distancë, mund të siguronin vazhdimësinë e biznesit.

Këtu nuk flasim për agropërpunimin, fasonët apo disa sektorë specifikë por call center, bankat, mediat, kompanitë e teknologjisë së informacionit, të cilat mund të kryenin fare mirë disa procese nga shtëpia. Kjo u jepte mundësi atyre të krijonin distancën e nevojshme fizike që duhej mes punonjësve. Që të aplikosh punën në distancë duhet të kesh sisteme online, pajisjet dhe infrastrukturën e duhur, si dhe njohuritë e nevojshme.

Të gjithë ata që kishin investuar në këto aspekte ia dolën që të përshtateshin shumë shpejt me situatën e re. Pjesa tjetër u detyruan të mendojnë seriozisht për investime. Për një pjesë të mirë të kompanive të mëdha, izolimi ka shërbyer si kohë për të përmirësuar sistemet online.

“As rënia e xhiros nuk përbën shqetësim për ruajtjen e pozicionit në treg dhe qëndrueshmërisë së kompanive. Shumë kompani, me të cilat bashkëpunojmë, konstatojnë se kjo periudhë ka vlejtur për ripozicionimin e tyre nga pikëpamja e kualifikimeve dhe objektivave për të ardhmen, pasi teknologjia zhvillohet me ritme të shpejta.

Nga njëra anë, është ngarkesa e punës, por edhe nevoja për të ndryshuar, por një pauzë është pozitive për ridimensionimin e planeve dhe objektivave për të ardhmen. Rënia e vlerës së faturimit dhe të fitimit mund të konsiderohet si benefit për investime të brendshme të kompanive, për t’u përgatitur për një moment tjetër”, pohon Armand Sharra, administrator i kompanisë më të madhe të teknologjisë, “Infosoft Systems”.

Ai thotë se kjo periudhë shërbeu si një test për bizneset, por edhe si edukim për klientët. “Nëse më parë shpenzohej shumë kohë dhe energji për të edukuar klientët për rritjen e përdorimit të teknologjisë, bizneset e provuan vetë se pa teknologjinë nuk mund të vazhdojë aktiviteti. Në periudhën e izolimit, bizneset e provuan që mund të punonin në distancë dhe të kontrollin operacionet e aktivitetit të tyre.

Kjo tregoi se, tashmë, bizneset janë më të përgatitura dhe më të vendosura për investimet në teknologji. Po ashtu, të qenët të pranishëm sot në zyrë është shumë e kushtueshme. Përdorimi i teknologjisë shkurton kostot e operimit të transportit dhe mbetet e vetmja zgjidhje efektive dhe me më pak kosto për vazhdimin e aktivitetit”, thotë Sharra.

Orientimi drejt investimeve në teknologji vjen si frikë e një izolimi të dytë dhe pasigurisë që sjell pandemia në gjithë globin. Investimet po kryhen në një kohë atipike, në periudhën e verës, kur zakonisht ndodhin në fund të vitit.

“Përveç bizneseve në vështirësi financiare, të cilat po vënë në dyshim ecurinë e mëtejshme të aktivitetit, të gjithë sipërmarrjet e tjera po përshpejtojnë të marrin masa për t’u përgatitur për valën tjetër, nëse do të ndodhë. Rritja e kërkesës për sistemin është në masën 30-40% dhe mendoj se nxitimi për investime është për shkak të rikthimit të një vale të dytë të COVID-19. Rreth 50% e kompanive, investimet për teknologji, zakonisht nxitojnë t’i bëjnë kur mbyllet viti fiskal.

Nxitimi në muajt e verës për investime në teknologji, mund të jetë si rezultat i efektit të rikthimit të virusit, pra kompanitë kërkojnë të jenë të përgatitura, pavarësisht se çfarë ndodh” – thekson administratori i “Infosoft Systems”.

MONITOR

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0