Ky është ‘përbërësi ushqimor më i dëmshëm për sistemin tuaj imunitar’, veçanërisht gjatë Covid-it, thotë imunologu - Business Magazine Albania

Ky është ‘përbërësi ushqimor më i dëmshëm për sistemin tuaj imunitar’, veçanërisht gjatë Covid-it, thotë imunologu

Kur vala e parë e Covid-it goditi SHBA-në, u bë e qartë se shumica e pacientëve që shtroheshin në spital dhe kishin nevojën e ventilatorëve kishin një sërë problemesh të tjera shëndetësore. Midis tyre ishin çrregullimet e metabolizmit si obeziteti dhe diabeti. Të dyja këto sëmundje janë kthyer në shqetësim në SHBA gjatë viteve të fundit.

Një pyetje që njerëzit kishin vazhdimisht në fillim të pandemisë ishte: Pse diabeti e bën më të vështirë luftimin e një virusi që prek rrugët e frymëmarrjes?

Së pari, ne e dimë se virusi SARS-CoV-2 mund të përkeqësojë kontrollin e sheqerit në gjak në një afat të shkurtër kohor dhe mund të cojë në përkeqësimin e shëndetit të njerëzve me diabet, tregojnë studimet. Ai e bën këtë duke u lidhur me receptorët që gjenden në qelizat Beta të pankreasit, të cilat prodhojnë insulinë.

“Si mjek alergolog dhe imunolog, u them shpesh pacientëve të mi se të kesh diabet do të thotë se je në një gjendje inflamatore kronike të shkallës së ulët, e cila prek sistemin imunitar të lindur të trupit dhe e bën më të ngadalshëm mbrojtjen ndaj patogjenëve kur ata hyjnë në trup.

Kur bëhet fjalë për sistemin tonë imunitar, ajo që hamë ka shumë rëndësi. Dhe asnjë përbërës nuk është më i dëmshëm për shëndetin tuaj imunitar sesa sheqeri, veçanërisht gjatë Covid-it,” thotë doktoresha Heather Moday.

Lexoni edhe: Efektet anësore të vaksinës përforcuese kundër Covid nuk do të jenë aq intensive! Ja ç’duhet të prisni

Sheqeri: Përbërësi më i dëmshëm për sistemin tuaj imunitar

Kur keni sheqer të lartë në gjak, i cili shkaktohet nga shumë faktorë, por më i madhi është konsumimi i tepërt i tij në dietë, fillon një cikël vicioz i rezistencës ndaj insulinës dhe obezitetit që nxit citokinat inflamatore, dëmton enët e gjakut dhe aktivizon sistemin imunitar për të riparuar ato zona.

Kjo krijon një shpërqendrim të madh për sistemin imunitar dhe hap rrugën që bakteret dhe viruset e rrezikshme të kalojnë përmes mbrojtjes së trupit tonë.

Eliminimi i sheqerit të tepërt nga dieta, juaj jo vetëm që mund të ndihmojë në përfundimin e këtij cikli, por, mund ta kthejë atë plotësisht. Refuzimi i konsumit të sheqerit është një nga mënyrat më efektive për të përmirësuar sistemin tuaj imunitar.

cnbc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0