Kush po lëndohet?
Shumë kompani kanë deklaruar tashmë se shitjet e tyre kanë pësuar rënie si pasojë e ngadalësimit të ekonomisë kineze. Këtë javë, prodhuesi amerikan i makinerive të ndërtimit Caterpillar u shpreh se fitimet ranë për herë të parë në dekadën e fundit, pasi kërkesa e kosumatorit në Kinë filloi të shënojë rënie.
Prodhuesi i Hardware Stanley Black & Decker ka theksuar në mënyrë të ngjashme edhe dobësimin e kërkesës në industrinë e ndërtimit të Kinës.
Aksionet në Nvidia të hënën filluan të shënojnë rëniet e para pasi krijuesi i kartës së kompjuterëve tha se numri i shitjeve për tremujorin e katërt do të shënojë rënie si pasojë e kushteve të përkeqësuara makroekonomike, veçanërisht në Kinë.
Lexo: Reklama raciste, Dolce & Gabbana u kërkojnë falje publike të gjithë kinezëve nëpër botë
Në janar, Apple shënoi rënie në tregun global sepse ekonomia e dobët kineze do të ndikonte negativisht duke ulur numrin e shitjeve. CEO Tim Cook tha në një letër për investitorët se kompania ishte blinduar nga kjo rënie e madhe ekonomike. Kina është shumë e rëndësishme për Apple, pasi siguron rreth 15% të të ardhurave globale të kompanisë. Samsung, një prodhues tjetër i smartfonëve, gjithashtu mund të dëmtohet për shkak të ngadalësimit të Kinës.
Kush po rezikohet
Sektorët e mallrave luksoze dhe makinave, të cilat e konsiderojnë Kinën si një nga tregjet e tyre më të mëdha botërore, mund të goditen shum, pasi konsumatorët kinezë po tërhiqen nga blerjet. Ben Cavender, një analist në firmën kërkimore China Market Research shprehet se makinat luksoze do të jenë në fazën e tyre më të keqe pas suksesit që patën 2-3 vitet e fundit.
Investitorët ishin të fokusuar në të ardhurat nga pronari i Luis Vuitton, i cili njoftoi një shitje rekord për vitin 2018. Goditjen më të madhe rrezikon ta marrë industria e makinave, e cila është tërësisht e pambrojtur. Vitin e kaluar tregu i shitjeve të makinave në Kinë u tkur, ndërsa kujtojmë se është shteti që përsa u përket makinave sjell më shumë të ardhura se edhe vetë Shtete e Bashkuara apo Europa. Prodhuesi elektrik i makinave Tesla (TSLA) mund të jetë në presion në vijim. Fakti që kompania me bazë në Kaliforni ka ulur çmimet në Kinë, nuk ishte një shenjë e mirë. Shitjet e Tesla në Kinë po ndikohen nga “tregu i butë”, pasi kompania po përballet me konkurencë në rritje nga rivalët e saj lokalë.
Kujt po i ecën mirë?
Procter & Gamble (PG) në një deklaratë të dhënë në janar u shpreh se biznesi i tyre po ecën më së miri dhe se deri tani ngadalësimi i konsumit nuk ka shënuar rënie në Kinë. Në po të njëjtën mënyrë u shprehën edhe prodhuesit e Adidas dhe Nike. Ato thanë se bizneset e tyre po shënojnë rritje të konsiderueshme. Presin të ketë një luhatje të lehtë, por aspak shqetësuese për kompanitë. PVH, e cila zotëron markat e modës Calvin Klein dhe Tommy Hilfiger, tha në fund të vitit të kaluar se ka pasur rezultate të larta, pavarësisht ngadalësimit të ekonomisë dhe tensioneve tregtare. Edhe Starbucks (SBUX), zinxhiri më i madh amerikan i kafesë, po përballet me konkurrencë në rritje në Kinë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
