Reklama raciste, Dolce & Gabbana i kërkojnë falje publike të gjithë kinezëve nëpër botë

Reklama raciste, Dolce & Gabbana u kërkojnë falje publike të gjithë kinezëve nëpër botë


Tema jonë e preferuar: Reklamat. Ku gaboi Dolce & Gabbana këtë herë?

Domenico Dolce dhe Stefano Gabbana, bashkë-themeluesit e kompanisë së modës Dolce & Gabbana, më në fund kanë kërkuar falje për një seri reklamash që konsiderohen “raciste”.

Polemika filloi më parë këtë muaj, kur marka postoi një video në faqen e saj zyrtare në Weibo, një version kinez i Twitter. Në reklamë, një modele aziatike përpiqet me shaka të përdorë shkopinj për të ngrënë pica dhe ushqime të tjera italiane. Shumë përdorues të medias sociale kineze i quajtën videot, të cilat tani janë fshirë, raciste dhe plot stereotipe të vjetëra.

 

Video mund të vinte në rrezik 1/3 e xhiros globale, ndaj themeluesit reaguan menjëherë. Fillimisht duke zhdukur videon nga të gjitha adresat zyrtare të markës luksoze dhe së dyti duke dalë në video 1 minutëshe për të kërkuara falje për punën e pamenduar mirë.

“Ne i kërkojmë falje të sinqerta popullit kinez në mbarë botën”, tha Gabbana.

Dolce vazhdoi: “Ne shpresojmë që keqkuptimi ynë ndaj kulturës kineze të falet. Ne kemi qenë gjithmonë të çmendur pas Kinës. E kemi vizituar shumë. Kemi qenë në shumë qytete. Ne e duam kulturën tuaj”.

Sikur të mos mungonin vetëm komentet negative online, disa prej tyre janë ngritur dhe në protestë. Protestuesit kanë vënë në shënjestër edhe dyqanin kryesor në zemër të rrethit të modës të Milanos.
Dhjetëra njerëz kinezë mbanin fleta me shkrimin “jo mua” jashtë dyqanit në rrugën e pasur të pazarit, Monte Napoleone.

Një paralelizëm i vogël mund të bëhet dhe me rastin e Shqipërisë. Shpesh, në filma të ndryshëm botërorë, shqiptarët vlerësohen me role negative si përdhunues, hajdutë apo trafikantë. Dhe në këtë mënyrë përhapen steriotipe që shqiptarët janë një popull i tillë, pa ndonjë talent tjetër të veçantë. Por sigurisht që reagime nga ana jonë nuk ka, dhe rasti i Kinës është një debat miliarda dollarësh që meritonte vëmendje dhe sigurisht falje publike.

/CNN

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0