Kush ishte David Rockefeller, një nga njerëzit më me ndikim në botë?


David Rockefeller, bankier dhe filantrop që zotëroi një nga bankat më të rëndësishme në botë, “Chase Manhattan Bank”, duke ushtruar për më shumë se një dekadë, ndikim të jashtëzakonshme në mbarë botën, duke e përhapur kapitalizmin amerikan, vdiq të Hënën në mëngjes në shtëpinë e tij në Pokantikos Hills në New York.

Ai ka vdekur në moshën 101 vjeç. Lajmin e ka bërë publik zëdhënësi i familjes, Fraser P. Seitel, i cili konfirmoi vdekjen.

“Chase Manhattan” është prej kohësh e njohur si banka Rockefeller, edhe pse familja kurrë nuk ka patur në pronësi më shumë se 5% të aksioneve të saj.

Por Rockefeller ishte më shumë sesa një administrator. Si kryetar dhe shef ekzekutiv, gjatë viteve ’70 ai e bëri këtë bankë si “Banka e Davidit”, epitet ky që iu dha nga të tjerët ndërkohë që banka zgjeroi operacionet ndërkombëtare të saj.

Ndikimi i tij tejkalonte çdo titull të korporatës pasi ai u bë një ndër personalitetet më të fuqishme në Washington dhe kryeqytete të tjera botërore, duke shtrirë ndikimin edhe në korridoret e pushtetit në New York e deri tek muzetë e artit, universitete të mëdha dhe shkolla publike.

Kështu Rockefeller ishte shndërruar në një nga figurat më të rëndësishme në skenën botërore. Si një avokat që ka lëvizuar interesat ekonomike të Shteteve të Bashkuara të Amerikës dhe vetë bankës së tij, ai ishte një forcë në politikat globale financiare dhe diplomatike. Ai madje kishte marrë edhe epitetin si shefi i shtetit.

David ishte nipi i fundit i John D. Rockefeller, manjati që themeloi “Oil Company Standard”në shekullin XIX duke ndërtuar një pasuri aq të madhe, sa u bë miliarderi i parë në Amerikë ndërsa familja e tij një nga më të pasurat dhe më të fuqishmet në historinë e Amerikës.

Si trashëgimtar i kësaj pasurie, Rockefeller ka jetuar gjatë gjithë jetës nën shkëlqimin dhe privilegjet e një baroni, duke mos harruar edhe skenat kur ai dhe vëllezërit e tij si fëmijë, endeshin rrugëve të Manhattan me patina por të përcjellë nga një limuzinë, në rast se ata ndiheshin të lodhur.

Edhe pse i nënvlerësuar nga elita e “East Coast” ai arriti të ndërtojë një botë të vetën në New York, duke u shndërruar dalëngadalë në një filantropist. Filantropia e tij ishte monumentale dhe po njësoj në koleksionin e tij të artit, pasi ishin mbi 15 mijë vepra arti, shumë prej tyre kryevepra artistike. Shumicën e tyre, më pas, i vendosi në muret e zyrave të tij të ngritura në 56 kate në rrugën që sot njihet si “Rockefeller Center”, të cilën e perfeksionoi në vitet ’90.

Një testament i fuqishëm i tij ishte “Rolodex”, një katalog me 15 mijë emra të cilët ai i kishte takuar si bankier shteti.

Ai ishte një nga personalitetet më të rëndësishme në sektorin privat që ndihmoi në zgjidhjen e krizës fiskale të New York-ut në mesin e viteve ’70. Si kryetar i Muzeut të Artit Modern për shumë vite, ai udhëhoqi përpjekjen për të inkurajuar korporatat që të blejnë vepra arti dhe t’i ekspozojnë ato në zyrat e tyre.

Si kryetar i “New York City Partnership”, një koalicion i drejtuesve të biznesit, ai nxiti risi në shkollat publike duke ndihmuar kështu në uljen e varfërisë në familjet e klasës së mesme në Amerikë.

David ishte i vetëdijshëm mbi të gjitha për mistikën që e rrethonte mbiemrin e familjes së tij.

“Për mua kjo mistikë kurrë nuk ka qenë një pengesë”, ka thënë njëherë ai.

“Natyrisht ka raste kur jam i vetëdijshëm që trajtohem ndryshe. Nuk ka dyshim që kjo ka ndodhur për shkak të burimeve financiare të prindërve të mi, por edhe kam mësuar që këtë pasuri ta përdor me maturi dhe kjo është një përparësi e madhe”, ka thënë Rcokefeller.

Burimi: insajderi.com 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale