Ai ka një koeficient inteligjence (IQ) 230. Albert Ajnshtajni, vlerësohet ta ketë pasur 160.
Matematicieni Terence Tao, që për të gjithë njihet si Terry, 46 vjeç, profesor në UCLA, e paraqet veten si një turist i zakonshëm në një interviste që i është shkëputur gjatë qëndrimit në Itali.
Në moshën 2 vjeç ai filloi të lexojë në mënyrë të pavarur, 5 vjeç mësonte fëmijët e tjerë, 7 vjeç ndiqte kurrikulën e shkollës së mesme ndërsa në moshën 9 vjeçare ndiqte kurset për matematikë të avancuar
Ju etiketojnë si njeriu më inteligjent në botë: çfarë mendoni?
Përkufizimet absolute janë të rrezikshme dhe unë jam thjesht një matematikan që kënaqet me punën e tij. Në botën tonë ne nuk bëjmë krahasime të tilla, nuk ka arsye
Galileo Galilei ka thënë: “Natyra është si një libër dhe matematika është alfabeti i saj”
Frazë e bukur. Matematika është gjuha me të cilën ju zbërtheni një mendim në përbërësit qendrorë. Një garë eventuale jashtëtokësore nuk do të komunikonte me fjalë, por me numra dhe matrika
A është e vërtetë që ju e mërzisnit gjyshen duke zhgarravitur numra në dritare me sapun të lëngshëm kur ishit i vogël?
“Unë atëherë isha 2-3 vjeç, më kanë pëlqyer gjithmonë numrat: më pëlqejnë lojërat në të cilat nëse bën një gjë fiton dhe nëse bën një tjetër humbet. Kjo është vetëm matematikë: një përgjigje është e drejtë dhe një e gabuar.
A bëni ju një jetë normale apo të veçantë nga të tjerët?
Normale: puna, gruaja dhe dy fëmijë që duhet të kujdesem. Hobi? Unë jam një tifoz i lojërave kompjuterike, edhe pse këto kohë i kam lënë mënjanë
A ka diçka që nuk mund ta bëni ose nuk mund ta kuptoni?
“Fizika është e vështirë… Nuk di gjithashtu të këndoj apo të recitoj; madje e kam të vështirë të lexoj një fjalim që është përgatitur paraprakisht për mua
John Garnett nga UCLA pretendon se ju jeni si Mozart
Unë e njoh Mozartin falë filmit “Amadeus”: Unë nuk identifikohem me të, por krahasimi është kurioz dhe muzika e tij është e shkëlqyeshme
Çfarë eksploroni me kërkimin tuaj?
Lidhjet midis fushave të matematikës: përpjekja për të unifikuar aspektet është një konstante e kësaj disipline.
Pse e urrejnë matematikën shumë studentë?
Sepse ata e shohin atë si diçka magjike. Dhe nëse nuk ndiqni gjuhën e tij, diçka e keqe ju ndodh. Ne duhet të ndryshojmë qasjen tonë, të provojmë, të eksperimentojmë: matematika nuk duhet të kihet frikë.
Sipas Paul Dirac, nëse Zoti do të ekzistonte ai do të ishte një matematikan…
(Qesh) Është e mahnitshme se sa e thjeshtë është natyra përderisa nuk ndryshon bazat e saj: nëse e ndryshoni, ajo bëhet e ndërlikuar
Por a besoni në Zot?
Unë mendoj se dikur kishte një entitet krijues, por më vonë ai nuk u bë pjesë aktive në evolucion.
Keni marrë ndonjëherë notë të keqe në shkollë?
Po. Kam mbetur në ndonjë provim. Njëra ishte fizika: gjithçka ishte në rregull për pjesën e matematikës, pastaj më pyetën për nocionet historike dhe unë nuk i kisha studiuar ato sepse sipas mendimit tim ata nuk kishin asnjë lidhje me të
Australian kur linde, prindër kinezë, tanimë një qytetar amerikan. A ju ka ndihmuar kjo përzierje në karrierën tuaj?
Unë jam arsimuar me stilin perëndimor, shikoj TV amerikan, nuk më pëlqen ushqimi kinez edhe pse kam miq kinezë. Nga cili shtet ndihem? Në matematikë nuk ka rëndësi se nga vjen
Dy plus dy … është gjithmonë katër?
Nëse nuk ka truke, unë them po
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
