Lionel Messi, gjashtë herë fituesi i Topit të Artë ka shpërthyer në lot gjatë konferencës së shtypit, ku bëri të ditur largimin nga skuadra e tij e përjetshme, Barcelona.
Largimi i tij i papritur u argumentua me pamundësinë financiare nga ana e klubit. Argjentinasi 34 vjeçar ka luajtur në klubin e Barcelonës për 21 vjet. Me 682 gola, ai është golashënuesi më i mirë i të gjitha kohërave me 682 gola.
Messi theksoi gjatë konferencës se, “Në këtë klub jam rritur, jam bërë ky që jam. Ndihem shumë i trishtuar që më duhet të largohem nga ky klub. Nuk e prisja. Mund të them vetëm se kam bërë gjithçka të mundshme për të qëndruar këtu. Unë u përpoqa të sillesha me thjeshtësi dhe respekt dhe shpresoj se për këtë do të më kujtojnë kur të largohem nga klubi”.
Në mediat sociale kanë vërshuar kritika rreth trajnerit të klubit, i cili sipas tifozëve nuk e ka menaxhuar mirë situatën, madje ka bërë një zgjidhje të gabuar duke larguar simbolin e skuadrës.
Lexo: Çfarë po ndodh me kinematë në Shqipëri? Fillojnë falimentimet
Mediat franceze kanë raportuar se ai do të kalojë tek skuadra Paris St Germain. Ndërsa pasojat e këtij vendimi do të duken në vitet në vijim tek skuarda e Barcelonës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
