Në një botë ku telefonat, orat inteligjente dhe mendimet e rastësishme e ndërpresin vazhdimisht përqendrimin tonë, të dëgjuarit me vëmendje është bërë luks. Dhe shpesh, këtë e ndjejmë në bisedat tona të përditshme. Sa herë ke qenë duke folur dhe ke kuptuar se personi përballë është i pranishëm vetëm fizikisht?
Por si të veprojmë kur përballemi me një situatë të tillë? Si të rikthejmë vëmendjen e bashkëbiseduesit dhe të sigurohemi që fjala jonë ka peshë?
Lexo gjithashtu: 10 thënie nga Stephen Covey që mund t’ju ndryshojnë jetën
- Ndal dhe reflekto! A është problemi tek ti?
Ekspertët e komunikimit sugjerojnë që, përpara se të fajësojmë tjetrin për shpërqendrimin e tij, të bëjmë një hap pas dhe të analizojmë situatën. Psikologët përdorin termin “dalja në ballkon”, një metaforë për të shikuar bisedën nga jashtë dhe për të kuptuar nëse ndoshta ne vetë jemi duke folur gjatë pa dhënë hapësirë për përgjigje.
Një nga arsyet që njerëzit humbin interesin është se biseda është e njëanshme. Profesoresha e Harvardit, Alison Ëood Brooks, e quan këtë fenomen “ZQ” ose “Zero Questioners”, persont që nuk bëjnë pyetje, vetëm flasin. A jemi ne të tillë?
- Supozoje që nuk po ta bëjnë me qëllim
Në vend që të mendojmë se po na shpërfillin, mund të marrim parasysh faktorë të jashtëm. A janë ata të stresuar? A kanë një shqetësim personal? Në shumë raste, shpërqendrimi i tyre nuk ka të bëjë fare me ne.
Duke mbajtur këtë mendësi, shmangim emocionet negative dhe ruajmë qetësinë në bisedë.
Lexo gjithashtu: Jeta në një flluskë: Tragjedia e realiteteve tona personale
- Rikthe vëmendjen me një pyetje
Një nga mënyrat më të fuqishme për të tërhequr vëmendjen është t’u bësh pyetje të drejtpërdrejta. Përdorimi i emrit të tyre e bën pyetjen më personale:
“Si e ke përballuar këtë situatë më parë?”, “Çfarë mendon ti për këtë?”.
Pyetje të tilla nuk mund të marrin përgjigje të shkurtra dhe shpesh e detyrojnë tjetrin të ndalojë e të reflektojë. Pasi të përgjigjen, vazhdo me një pyetje tjetër: “Mund të më tregosh më shumë?”, kjo krijon një dinamikë të re dhe e zhvendos fokusin përsëri tek biseda.
- Lëre heshtjen të bëjë punën e saj
Ndonjëherë, strategjia më e mirë është të ndalosh së foluri. Heshtja krijon një pauzë të sikletshme, dhe njerëzit natyrisht përpiqen ta mbushin atë. Në momentin që bashkëbiseduesi e kupton se biseda ka ndalur, ai do të përqendrohet sërish tek ty.
Lexo gjithashtu: 10 gjëra që nuk duhet t’i shtyjmë për veten tonë, sipas psikologjisë
- Ndrysho pozicionin ose mjedisin
Lëvizja fizike ndihmon për të rindezur bisedën. Nëse jeni ulur, qëndroni në këmbë. Nëse jeni në këmbë, sugjeroni të uleni diku. Këto ndryshime të vogla mund të rrisin përqendrimin dhe të sjellin një energji të re në bisedë.
Komunikimi efektiv nuk është vetëm çështje e të folurit bukur, por edhe të dëgjuarit me kujdes. Nëse ke ndjerë ndonjëherë që nuk po të dëgjojnë, mos e merr personale menjëherë. Eksperimentoni me këto teknika për të parë se si mund të ndryshojë dinamika e bisedës suaj.
Në fund të fundit, bisedat më të mira nuk janë ato ku flasim më shumë, por ato ku të dy palët ndihen të dëgjuara.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
